樺得園 (已結業)

去到W Burger，除左漢堡包其實仲有好多選擇。今日lunch無咩胃口唔想食太多飯麵類既澱粉質，就叫左炒雜菌配牛肉漢堡扒拼沙律($68) 。裡面有一份牛肉漢堡扒、炒雜菌、沙律菜、牛油多士同茄汁豆，另外跟餐飲。漢堡扒食落有Ｄ乾爭爭，有肉味但無咩肉汁，炒雜菌亦都油左Ｄ，至於茄汁豆、沙律菜依Ｄ現盛野就無咩特別評論。望落細細份，女仔黎講都飽到既，但男士就未必食得飽啦！相同價錢既話，九龍城區有更多更好既選擇，有點兒失望，可能下次食返Burger會好D。