今日同呀妹去咗幫襯橋底辣蟹，搬咗舖之後都未食過…OpenRice入google嘅位置標錯咁搞到都搵左陣 因為得兩個人嘅關係，我哋只叫咗兩款小菜同白飯。避風塘炒蟹就一定係必點嘅，叫咗細soze。然後因為我鍾意食辣野，所以再嗌咗個麻辣手撕雞。 講吓佢嘅招牌菜避風塘炒蟹先。雖然係細size，但係已經分量十足，蟹鉗大大隻啖啖肉，抵食！ 至於麻辣手撕雞軒汁比較多，但味道都係唔錯嘅，其實偏酸辣多。 兩個餸都好送飯，結果成碗飯清晒

今日的同朋友去左朗豪坊12樓既Texas Burger食飯，餐廳半開放式設計？樓底高，夠開揚，裝修都幾靚，卡位半包形式都幾有私密感。
香蒜巴馬臣薯條
香蒜舖係薯條面，再加巴馬臣芝士醬，一個好香口又穩陣既小食，份量中等。 水牛城雞翼及棒棒雞
依個一上黎係有少少失望，因為食開既水牛城雞翼都係已經沾好醬，而且睇名會以後係兩款唔同煮法既雞翼，可惜一上原來只係普通炸雞翼，再加兩款汁，一個水牛城一個藍芝士。不過食落都唔差，但要趁熱食，凍左個皮就唔脆。 墨西哥風味雜錦沙律
依個沙律配料好豐富，有大蝦、牛油果、奇異果、紅椒、西班牙香腸同粟米。未試過依種配搭，食落好fresh，味道清新，大蝦烤到外皮酥脆，連沙律一齊食，感覺就無咁邪惡。 煙燻英國車打芝士牛肉漢堡
漢堡包加左牛油烘，外脆內軟，係我鍾意既包身。牛肉厚身有肉汁，配埋被熱力溶化左既車打芝士，啖啖滋味。 冰鎮朱古力蛋糕新地 同圖片有少少出入，本身擔心會伏，點知食落又OK！Brownie咬落去半硬半軟，仲有少少流心感覺，同雪糕一冷一熱，平衡叔Brownie既漏，係唔錯既甜品選擇。

今日同男朋友去灣仔覓食，決定試試依家新派四川菜，門面型格有氣派，有別於傳統中菜館既裝修。 入座先黎一份前菜，一共有四款小食，枝豆、花生、辣味粉爆谷同四川泡菜。幾款前菜都夠哂開胃。 牛油果松花豆腐沙律伴麻辣汁　＄９８
豆腐切薄片，配上牛油果同埋松花，再加上有少少麻醬味道既麻辣汁，係一道清新得黎又充滿口感同豐富味道既沙律 半隻松花口水雞　＄１３８
雞肉係我喜歡個款，皮非常之薄身，入口就算雞胸位都十分嫩滑！而松花皮蛋亦係靚皮雞，入口好香 五十二度慢煮樟茶鴨胸＄１５０
依碟擺盤非常之靚，影左一輪先食哈哈 鴨胸用慢煮方式烹調，多汁肉嫩，鴨香味非常。佢仲配左３個熱辣辣小刈包可以夾住鴨肉黎食。 水煮威爾斯迷你羊肩卷＄３２８
依份水煮辣度十足，男朋友唔係好頂到但我就覺得好惹味，羊肉味濃，份量亦唔少，每片夾出黎都掛滿水煮麻辣汁～ 水煮話完全唔油就呃你，但佢唔會令你食到覺得好唔舒服／過份油既感覺，正！ 擔擔麵＄５８
擔擔麵既麵條剛好，夠彈牙，而湯底有花生芝麻香氣，再帶點辣勁，飽住都要同男友清哂佢

牛油果蕃茄沙律伴胡麻汁$53 沙律菜新鮮，牛油果份量都多，係一個好開胃既沙律 自家製蟹肉肉醬意粉$98 肉醬配蟹肉依個組合比較少見，食落又唔差。肉醬同蟹肉份量都幾多，但始終肉醬味較濃，只食到些少蟹肉味，但加入左蟹肉個口感多左絲絲肉感，都幾特別 唐楊雞翼 $40 雞翼炸得啱啱好，皮脆肉嫩！熱辣辣無得輸 安格斯肉眼扒 $198 揀左五成熟，出到黎熟度都岩岩好，無過老/難咬問題。而且表面煎得香口，內裡仍然juicy，好食😋跟餐既薯蓉都好香牛油味，極邪惡～

這天與朋友飯聚，選了Fifty Fifty。我比較少到長沙灣，對這裡的餐店不太熟悉，所以只是隨機選一間看似不錯的進去。當天也看見晚飯時間座無虛席，相信應該也是受歡迎的店吧？這邊點餐是自己掃描QR Code再用手機看餐牌的，其實也很方便～
現在很多東西都已經開始電子化，可是很多小店仍然是用紙張menu的，其實真的看以考慮起個網站讓大家用QR Code上去看menu，
這樣也不用每次轉菜式和價錢又重新印製。

說回食物，Fifty Fifty的主菜只要加＄20塊就可以有餐湯，$20以內的餐飲和是日甜品，真的太太太抵了！
所以我和朋友也沒有多考慮便決定配餐。

跟餐的周打海鮮忌廉湯，夠哂creamy，而且加了西椒增加口感，並非hea既開粉湯，開了個好頭（一開始覺得＄20的質素很有可疑哈哈） 黑松露薯條$48,又要感嘆一下這餐廳真的不貴，很多西餐廳叫一客薯條都要$68起跳，這邊$48還要份量不算少，
薯條熱辣辣脆卜卜，黑松露沙律醬就應該是大部份餐廳來貨那一款，沒有伏，好味。 松露雜菌芝士意大利雲吞配野菌忌廉汁$168,這款素的，但味道濃郁豐富，不會因為沒有肉而dry dry的哈哈
雲吞皮不會過厚，而且內餡雜菌給得不孤寒，也有淡淡的松露味，好快便和朋友清完一碟～ 法式燒春雞配焦糖檸檬牛油汁$118,愛雞如我的常常吃西餐也會點雞的菜式來吃。
這味燒春雞也很得我心，燒烤功夫很好，外皮考的香脆，肉質沒有過老。之前的雲吞味道濃，所以這款配檸檬牛油汁，酸酸甜甜的中和一下剛剛好！春雞底下的配菜和薯蓉也吸收了雞汁和醬汁的味道，也很好吃（可是這餐太多澱粉，太飽了⋯） 最後甜品是藍莓cheese cake，質素沒有因為只要＄20而下降（而且是加配餐湯餐飲和甜品啊！）
蛋糕味道濃郁而不會太漏，餅底鬆脆，這餐吃到最尾也很滿意～
這間絕對值得一試，我相信自己很快也會再encore～

同朋友食黎食去都係西餐，佢今日開聲話要食蟹，就黎左橋底辣蟹啦 先黎左碟椒鹽雞翼，炸到熱辣辣同撒滿椒鹽，一碟八隻份量都唔少👍🏼 腐乳通菜又係勁大碟，腐乳醬好惹味，菜亦無炒得太老 叫左兩次蒜蓉蒸扇貝，黎到即時哇左一聲，非常大隻，本身仲覺得48蚊一隻有d貴，但見到個size就知點解收依個價 扇貝肉質彈牙味鮮，撈埋一堆蒜蔥粉絲食，一人一隻實在唔夠喉哈哈 主角終於出場，叫左細size既避風塘炒蟹，其實細size已經好大隻，兩個人絕對夠食 避風塘+蟹依個組合實在太正，首先避風塘依D香口野都好難唔好食，而且佢既蟹亦新鮮多肉，好食😋👍🏼👍🏼👍🏼

今日晚餐決定係大家樂快手快腳搞掂✅ 新店裝修 都乾淨企理，亦有大勢既自助點餐機 大家樂雖然係大型連鎖，但一向都幾欣賞佢既厚切焗豬扒飯👍🏼👍🏼👍🏼 焗完熱辣辣出爐🔥面層落左一堆芝士，成件事好香口🤤 仲有菠蘿，蕃茄，青豆等等...連埋茄汁底真係無得輸😂😂😂厚切豬扒大大片，連鎖野唔會係咩高級貨，但勝在大件夾底食 跟餐叫左個菠薯青檸冰，大大杯，酸酸甜甜😋好適合夏天飲，好快就飲哂想encore🤭

自己一向都好鍾意食零食，成日都忍唔到口 今次見到依間包裝係由自己喜愛既插畫師設計，就買左兩款零食支持支持。👍🏼👍🏼 我揀左《冬陰公鹹蛋蝦頭》同埋《冬陰公鹹蛋魚皮》兩款🤤🤤🤤（感覺抵過買薯片但其實我都好想試😂😂😂）兩包會有優惠$130，平均$65一包，買四包直頭降到$55一包😱抵好多👍🏼不過第一次買兩包試下先😂 每塊蝦頭/魚皮都沾滿鹹蛋粉，鹹蛋既鹹香真係好香口，再加埋冬蔭公調味，食到停唔到口，卡路里超哂標！😂蝦頭同魚皮都有唔同既口感，但兩款都係脆卜卜，好好食👍🏼

食完晚飯之後經過美心西餅，就忍唔住買左件甜品食哈哈😂😂😂 《雙色蜜瓜撻》$20 我係超鍾意食蜜瓜既🍈🍈所以揀黎揀去都係揀左依個雙色蜜瓜撻，蜜瓜撻好足料，好多雙色蜜瓜👍🏼仲有D蜜瓜味啫喱，底下一層cream同埋鬆脆餅底，都幾好食，加埋生果又唔會太漏👍🏼 《芝士粒牛乳包》$9 最後買埋芝士粒牛乳包做早餐🧀🥛🤩🤩🤩 包身香軟有陣陣奶味，配上車打芝士粒，做早餐都唔錯！用膠袋入住感覺亦比較衛生（但就唔環保啦）

依間餐廳舖仔細細,放到既檯係10隻手指數得哂,但我覺得係一個chilling好地方
同幾位朋友食brunch,叫左牛油果水波蛋多士,芝士薯條,三文魚班尼迪蛋同三杯野飲
牛油果係我既至愛,所以我叫左依份牛油果水波蛋多士,勁多牛油果,三文魚班尼迪蛋亦都對辦,兩款野食既蛋都做到流心效果 反而芝士薯條有D失望,薯肉唔多,有D硬掘掘...雖然係刨真芝士上,應該係parmesan cheese?我覺得依款芝士配薯條唔夾,應該用熱溶會拉絲既芝士