漁釧 (V Walk) (已結業)

平日晚上呢度有八道一人前,都幾抵食,樣樣野都精緻,咩都試都d。一人前有酒盜芝士,酒盜極鹹既味道，衝擊芝士豐腴既脂香、吞拿魚蓉米通兩者都好夾,魚蓉軟嫩綿密、米通脆脆地。刺身三點就有三文魚、油甘魚同赤海蝦,應該好多人都岩食,係好common既刺身,新鮮有海洋既鮮味。壽司就有劍魚腩、松葉蟹肉同真鯛,入口魚油清新,蟹肉充滿鮮味。天婦羅沙鎚魚就好少食,口感嫩滑又唔油,味道濃郁獨味好岩做天婦羅。海膽天婦羅入口即融一d都唔腥。海膽蛋白蒸,海膽味好突出。半隻油甘魚餃已好夠食,魚肉細緻，嫩又甘甜真係入口甘香。和牛炒飯係一人既飯量,岩岩好,飯乾身爽口,和牛既香氣四溢。最後以芝麻味既雪糕作結,真係perfect!