影片
更多
2024-09-25
1445 瀏覽
小編朋友前陣子生日，佢本身好鍾意食壽司，為咗比一個surprise 佢，小編特意請假，約佢工作地方的附近食Omakese。小編先去視察環境，空間十分大，有分鐵板同壽司。如果是多人聚會，甚至可以提早預約房間，享受獨享空間。小編決定叫2份午市廚師發辦（每位$488），價錢都好合理。另外，餐廳有一個特大的電子屏幕，可以寫上祝福。茶碗蒸上層有三文魚子、黑魚子同鮮蟹腿肉。芡汁下面係金黃色的蒸蛋。蒸蛋Q彈，口感滑溜，蒸蛋入面仲有魚蛋；蟹肉甜甜且帶絲絲的，食得出係新鮮；三文魚子同黑魚子飽滿，有鮮鹹味。壽司12貫深海池魚肉眼可見魚生的厚切，遮住咗大部分壽司飯。入口魚肉表面順滑，咬落去已經感受到魚肉的厚實，池魚微酸，魚味頗濃。帶子帶子表面曬上柚子皮及竹炭鹽，帶子好厚肉，而且好鮮，同鹽味一起爆發之餘，鼻子及口腔都感受到柚子的溫和香味，令人感到舒服。象拔蚌小編至愛😍呢個日本象拔蚌比起之前小編食過的較為清甜少少，加上青檸汁，整個壽司鮮味大爆發。加上師傅厚切新鮮象拔蚌，口感十分爽口，肉感豐富。金目鯛金目鯛肉質比池魚結實，味道會相對地淡及油脂感不明顯，所以師傅會加上矜貴的魚子醬Caviar增添風味，魚子醬軟綿但飽
小編朋友前陣子生日，佢本身好鍾意食壽司，為咗比一個surprise 佢，小編特意請假，約佢工作地方的附近食Omakese。小編先去視察環境，空間十分大，有分鐵板同壽司。如果是多人聚會，甚至可以提早預約房間，享受獨享空間。小編決定叫2份午市廚師發辦（每位$488），價錢都好合理。另外，餐廳有一個特大的電子屏幕，可以寫上祝福。茶碗蒸
上層有三文魚子、黑魚子同鮮蟹腿肉。芡汁下面係金黃色的蒸蛋。蒸蛋Q彈，口感滑溜，蒸蛋入面仲有魚蛋；蟹肉甜甜且帶絲絲的，食得出係新鮮；三文魚子同黑魚子飽滿，有鮮鹹味。
壽司12貫
深海池魚
肉眼可見魚生的厚切，遮住咗大部分壽司飯。入口魚肉表面順滑，咬落去已經感受到魚肉的厚實，池魚微酸，魚味頗濃。
帶子
帶子表面曬上柚子皮及竹炭鹽，帶子好厚肉，而且好鮮，同鹽味一起爆發之餘，鼻子及口腔都感受到柚子的溫和香味，令人感到舒服。
象拔蚌
小編至愛😍呢個日本象拔蚌比起之前小編食過的較為清甜少少，加上青檸汁，整個壽司鮮味大爆發。加上師傅厚切新鮮象拔蚌，口感十分爽口，肉感豐富。
金目鯛
金目鯛肉質比池魚結實，味道會相對地淡及油脂感不明顯，所以師傅會加上矜貴的魚子醬Caviar增添風味，魚子醬軟綿但飽滿，入口會爆開，然後鮮鹹味融入魚肉。
左口魚
左口魚刺身上面是火炙左口魚脂肪，然後加上辣蘿蔔蓉及紫蘇花。刺身魚肉的結實與火炙脂肪融合，魚味及火炙香味一同爆發，蘿蔔蓉的辣味中和油膩感，同時帶有紫蘇花獨特的清香。
火炙梭子魚
有驚喜🤣師傅將梭子魚表皮燒得香脆，並加上一點點“有馬山椒”醬，師傅話這個醬料會用於高級料理，食落去會有奇特的辣味及香料香氣。魚肉經過火炙之後，入口即融，超級軟綿，魚肉好似被融化咗，濃郁的魚味及“有馬山椒”的燒香味，令到味蕾大爆發。
大拖羅
另一件入口即融，口感完全唔似肉，厚身的油脂比wasabi中和咗少少，食落毫無負擔感，魚味十分濃郁。雖然腦海產生咗油膩口感，但wasabi的刺激味及壽司飯的酸味中和了整體帶來的感覺。
火炙銀鱈魚
師傅燒香了魚肉的表面，並曬上少少金黃色的烏魚子粉，烏魚子粉有少少似鹹蛋黃的口感。剛燒過的滑溜魚肉帶淡淡微溫，與壽司飯冷熱交加，感覺滿足。
燒鯖魚
師傅指出這是當日新鮮鯖魚，燒過的半生熟鯖魚上面加上了碎薑及紫蘇葉以降低魚腥味。小編個人蠻喜歡鯖魚的魚腥味，因為魚味會十分明顯。第一口會先食到相對濃烈調味料的味道，然後再鯖魚的味道，魚腥味已經變得不明顯，半生熟及滑溜溜的口感反而是重點。
蝦膏牡丹蝦
師傅會在你面前開火槍炒蝦膏，蝦膏越炒越濃稠，好似可以拉絲咁。然後會在牡丹蝦刺身上加上蝦膏，再曬上淡雪鹽。牡丹蝦十分新鮮爽口，肉質軟糯彈牙；蝦膏入口就已經感受到濃厚質感，比蟹膏更加厚，淡雪鹽令淡味的蝦膏濃烈到有如蟹膏的味道。份量慷慨的蝦膏多到小編覺得師傅可以將壽司飯的份量增加多少少。
馬糞海膽
師傅已經係小編打卡之前提醒要盡快吃掉，不然紫菜會淋掉。海膽都好新鮮，肉眼可見的粒粒分明，入口卻十分creamy，加上師傅給的很多，所以一下子會在口裏爆發，冷凍的海膽令甜味更加突出，大滿足。
醬汁吞拿魚手卷
師傅將用醬油醃過的吞拿魚整成手卷，吞拿魚十分滑溜，口感與平時的肉肉口感不一樣。赤身本身肉感突出結實，但這個吞拿魚食落好似無脂肪的中拖羅咁，但魚味好突出。
牛油果燒拖羅手卷
大推🤩呢個奇妙配搭深得小編喜愛，估不到牛油果同燒拖羅好夾，牛油果成熟度剛剛好，有好香的果仁味；燒拖羅的油脂味滲入壽司飯，肉感都好軟糯。牛油果中和咗油膩，拖羅令牛油果味道更加香濃，兩者的香味互相呼應，小編一定會encore！
稻庭烏冬魚湯
食完一連串凍食之後需要一碗熱騰騰的湯暖胃，估不到呢個好香魚味的魚湯入面仲有烏冬，魚湯煮得白滑，魚味被鹽提升咗鮮味，滿口都係煎香的鮮魚味。未到甜品就已經飽到9成🤣
關東煮
日本必食的食物之一，入面如獅子狗
、日本魚蛋、腐皮同蘿蔔，全部嗦晒柴魚高湯，好入味。表面仲加咗日本魚子，呢種魚子口感會比較硬少少，口感滑溜及味道微酸。
白雪清酒
慶祝朋友生日，點都要叫清酒增加儀式感。侍應推薦了白雪，酒精濃度不算很高，但入口順滑，除了酒精，還有點淡淡酸甜味道，吞下去之後酒精味已經消失，只有清爽感覺，容易令人一口接一口。
開心果雪糕
估唔到甜品係開心果味雪糕，完全驚喜。開心果味濃郁，0假，肉眼見到開心果粒。開心果味係舌頭散發到整個口腔，結尾好滿足。
螢火
尖沙咀加連威老道96號希爾頓大廈LG樓1號舖
張貼
