螢火

餐廳一面係鐵板燒，另一面係食廚師發辦，今次同朋友嚟午餐，就揀咗廚師發辦‣ Lunch Omakase ⋆ $488前菜 ⋆ 水雲白菜配松葉蟹壽司12貫⋆ 壽司飯結實唔會散，魚料整體唔錯，調味適中 ⋆ 鱸魚 ⋆ 北海道帶子 ⋆ 深海池魚 ⋆ 銀雪魚bb🔖先食比較淡身嘅壽司，四款味道都好夠，而且食落鮮甜。銀雪魚BB當然要火炙，除咗佢本身嘅魚油，師傅仲加咗少少黑松露，食落同魚油味道好夾，仲要好香！食到一半上埋茶碗蒸，入面有蟹腳同魚子 ，味道咸香鮮味，一啲都唔Hea 😍⋆赤貝⋆金目鯛配海膽⋆大拖羅⋆赤身醬油漬⋆鹽燒赤鯥魚⋆沙甸魚⋆牡丹蝦⋆白海膽🔖之後嘅壽司甜道較濃，魚味好出。金目鯛本身清清地，師傅加咗海膽喺壽司中間，加一份甜味好特別。赤身漬左好耐，漬味很濃，仲加入芝麻香，味道完全不輸拖羅。牡丹蝦上面有滿滿既蝦膏，係其中一樣我最愛嘅配搭，蝦膏係即燒既，大大啖好豐富！⋆海膽碗入面有紫海膽、三文魚籽、拖羅蓉同蟹肉，全部都係大家最愛嘅食材～食完12貫壽司，再食埋呢個海膽碗，真係滿載而歸