小曼谷泰國美食 (已搬遷) 新店位置

食泰國菜一定係去九龍城, 因為食完之後仲可以去食糖水但咁多間真係難選擇, 最後決定邊間唔駛排隊就入邊間! 首選當然就係little bangkok小曼谷啦。星期六晚7點鐘到兩個人真係唔駛等, 正!我同我個friend已經好肚餓想叫哂menu啲野, 太熱愛泰國菜喇hehe兩個女仔叫左一碟菜一個沙律一個麵同串燒仲有兩個椰青, 份量啱啱好仲有少少位可以過兩條街食糖水, perfect!馬拉盞炒通菜就係例牌黎架喇, 味道一流但略嫌啲菜油左啲同淋左啲柚子沙律好清新但個人覺得太多花生遮哂柚子既味辣椒炒魚麵第一次叫, 又幾好食喎。雖然唔係啲辣椒係邊度(因為完全唔覺辣), 但啲魚麵幾爽口, 有啲似烏冬但幼身過烏冬同埋一啲都唔粉。出奇地好食。串燒鷄係好食過牛, 鷄軟骨就very good.椰青好甜(原本想叫椰皇但佢話冇貨)食完覺得好滿足感覺好幸福值得讚既係我地原本仲叫左芝士蝦球, 但見隔離枱嗰碟發現雖然得三舊但舊舊都勁大舊, 心知我地兩個一定食唔哂, 即刻問姐姐可唔可以cancel, hehe姐姐又俾喎! 所以其實service都幾好吖食完8點鐘見到好多人排隊, 我不自覺暗喜hahaha... 食糖水l