影片
更多
2022-10-14
60 瀏覽
食嚟食去都係中西日韓，所以打算食下啲特別菜式啦，上網又搵到近元朗呢間中東菜喎，所以就膽粗粗試下。入到去真係充滿中東味道，馬賽克燈最啱打卡。牆磚都係馬賽克風格。🥗陸洲沙律(三角豆蓉) $52係一個幾特別嘅沙律。一大盤白色嘅醬，旁邊有幾塊薄餅。個醬係三角豆蓉，食落去有豆嘅質感，味道方面帶有少少檸檬香同芝麻香。旁邊嘅薄餅點呢種醬食係幾正。🌮土耳其薄餅 $28真係不得不試，因為可說是中東嘅招牌菜。呢度都整得幾香脆鬆軟。加埋中間點點蔥花就更提升香味。🍆香酥茄子夾雞 $68又一特別菜式。外表圓咕碌，其實係一舊切開咗嘅茄子包住咗啲雞肉。茄子係炸脆左，裏面雞肉亦都醃得好入味。咬落去外脆內軟，味道係略咸而不漏。❣️克勒拉雞皇 $98係飽肚之選。充滿奶油味嘅咖哩，加上滑滑嘅雞肉，每一啖都係辛辣之中帶點creamy，為今餐劃上完美嘅句號。
食嚟食去都係中西日韓，所以打算食下啲特別菜式啦，上網又搵到近元朗呢間中東菜喎，所以就膽粗粗試下。入到去真係充滿中東味道，馬賽克燈最啱打卡。牆磚都係馬賽克風格。
🥗陸洲沙律(三角豆蓉) $52係一個幾特別嘅沙律。一大盤白色嘅醬，旁邊有幾塊薄餅。個醬係三角豆蓉，食落去有豆嘅質感，味道方面帶有少少檸檬香同芝麻香。旁邊嘅薄餅點呢種醬食係幾正。
🌮土耳其薄餅 $28真係不得不試，因為可說是中東嘅招牌菜。呢度都整得幾香脆鬆軟。加埋中間點點蔥花就更提升香味。
🍆香酥茄子夾雞 $68又一特別菜式。外表圓咕碌，其實係一舊切開咗嘅茄子包住咗啲雞肉。茄子係炸脆左，裏面雞肉亦都醃得好入味。咬落去外脆內軟，味道係略咸而不漏。
❣️克勒拉雞皇 $98係飽肚之選。充滿奶油味嘅咖哩，加上滑滑嘅雞肉，每一啖都係辛辣之中帶點creamy，為今餐劃上完美嘅句號。
張貼
