六両三.台灣食堂 (已結業)

平時都係食開尖沙咀六両三，其實係官塘同其他地方都有分店🤩今次約左中同返黎官塘食,，2個人一齊叫左佢幾樣嘢試下，包括有沙茶牛骨火鍋套餐、半筋半肉麵。最後加埋台飲同甜品收尾沙茶牛骨火鍋套餐，係其他分店冇見到，鍋底豐同港式沙嗲好唔同，沙茶醬微辣濃香，完美提升肉香與鮮味。將一片片鹿兒島豬腩肉拾幾下，十分惹味。套餐仲有台灣丸拼盤同雜菜拼盤，我地仲加錢升級左食滷肉飯🤤，加配料澳洲和牛丸同花枝丸，唔同嘅配搭令火鍋更加豐富多樣，兩個人食都好足夠，抵食到食晒台式名物，真係過足癮！半筋半肉麵當然係六両三嘅鎮店之寶，湯底醇厚微辣，牛筋彈牙而牛展又富有口感，包你有返返台灣嘅感覺！至於飲品就分別點左白桃烏龍同仙草奶綠。特別要講佢地仙草好好味，同坊間嘅有少少唔同，特別Q彈😮，打風前消消暑係最好嘅！火鍋套餐其實可以優惠價叫最後到甜品，今次就加左蜜躺雪山 - 桂花蜜仙草紅豆芋圓加上香草雪糕。口感香滑，甜而不膩，真係一個完美嘅結束！六両三今次喜出望外，食物選擇多元，味道一貫出色，加上有咁多新嘢食，好值得支持！同朋友、家人或者情人一齊去食都會有一個美好嘅用餐體驗，希望佢地越做越好！