滕王閣素葷美食

營業中

休息中

收到風滕王閣回歸北角，立馬去湊熱鬧，個foodcourt裝修得好靚，土以其風格，坐得舒服還可以打咭。滕王閣砂鍋米缐依然保持水準，麻辣湯底夠哂麻，今次回歸仲加咗藥膳湯，好有當歸味又無苦味，甜甜地藥材味配米線非常之夾，還有即拉腸粉，有多款素食腸粉，食材新頴，例如酸齋芫茜腸，皮蛋芫茜腸，素肉碎生菜腸，腸粉滑嘟嘟，必食。今日叫咗麻酸辣砂鍋薯粉，配香菇貢丸，蟹柳，豆卜，朋友叫咗素餃子，𤠣頭菇丸米粉藥膳湯，加碟素肉碎生菜腸，非常滿足的一餐。今次新張食粉麵還有飲品送添，黑豆漿，紫米漿，竹蔗水，生薑茶，檸檬柚子茶，值得一提，生薑茶真的好有薑味。