豐鍋雞煲 (京瑞廣場1期)

營業中

休息中

天氣凍咗，除咗想打邊爐，仲好想食雞煲。今日要去石門工作，約咗同事放工一齊食雞煲，今次揀咗附近嘅豐鍋。我哋叫咗個滋補螺片花膠雞煲、手工四寶丸、頂級安格斯牛小排、新鮮肥鵝腸同雜菜籃。滋補螺片花膠雞煲我哋叫左一隻雞嘅份量，雞同湯底係分開上啲，當湯滾後，放入成隻雞同花膠落去個湯底度，煲一陣，個湯已經好好飲，清甜可口，而雞肉非常之嫩滑，雞味十足。頂級安格斯牛小排牛小排脂肪分布均勻，厚薄度切得剛剛好，肉質鮮嫩多汁，牛味重，美味。手工四寶丸四寶丸有蝦丸、墨魚丸、黑墨魚丸同鯪魚丸，全部丸都新鮮彈牙，充滿鮮味。新鮮肥鵝腸鵝腸非常之肥美，涮一涮就食得，爽口彈牙。雜菜籃蔬菜新鮮，而且大份。大檸茶同玫瑰柚子飲品都很大杯，配雞煲一流。