竺扶大班燒味

營業中

休息中

灣仔依間高質燒味人氣店，午市經常有好多上班族大排長龍，所以今次假期我特登去試吓佢有咩好食。首先我梗係要一份黯然銷魂鴛鴦飯，佢嘅叉燒好結實入味，而鳳凰雞會配上獨特醬汁，菠蘿、紅黃椒、青檸、蒜蓉等，特別好味，有少少泰式嘅感覺，仲會有兩個煎蛋添！我另外仲叫咗燒鵝切雞上湯瀨粉，鵝肉同雞肉恰到好處，口感鮮嫩多汁，鵝肉選用左 5 斤半比雌鵝，再加上用祕制陳皮醬醃制內籠，而瀨粉煮得Q彈有嚼勁，配上濃郁嘅上湯。另外，我叫左咗上湯浸菜心，菜心鮮脆嫩滑，上湯清甜。雖然佢哋係一間燒味舖，但佢哋有自家製嘅羅漢果茶，清甜好飲