自家製韓國刀削麵 (駱克道)

營業中

休息中

今次嚟到銅鑼灣一間主打韓式刀削麵嘅小店，餐廳環境好貼地，簡約得嚟有溫度，坐低就感覺好舒服，🍜【花蛤刀削麵】湯底清甜鮮香，一入口就感受到花蛤嘅鮮味滲出來～刀削麵口感煙韌彈牙，吸晒湯汁好入味，每一啖都好滿足。🥩【牛骨湯牛𦟌刀削麵】牛骨湯夠濃郁但唔會膩，飲落暖胃又舒服～牛𦟌炆得入味，軟腍得嚟仲有啲咬口，咬開仲滲出牛味～配上刀削麵一齊食，勁有層次感，濃香同口感兼備！🥟【海鮮韭菜煎餅】外皮煎到香脆金黃，入面料勁足！韭菜同海鮮比例啱啱好，唔會搶味又夠鮮～咬開有啲爆汁感，配埋醬汁一齊食，食完超有滿足感！