米走雞Deluxe (已搬遷) 新店位置

今晚飯聚，朋友仔知道我是芝士控，就帶我到一間叫《咪走雞》的餐廳晚飯。麻辣雞煲聽得多，芝士雞煲好期待😋😋一開門左手邊已經放了消毒搓手液比客人用，在注重抗疫的狀況下，感覺店舖非常講求衛生，亦希望客人食得安心。芝士雞煲 芝士份量可以自己選擇由普通至勁量，芝士控的我們就選了勁量。勁量芝士雞煲一出場，上面全部鋪滿芝士碎，有各種不同品種嘅芝士在裏面，最愛的車打芝士同Mozzarella🥰👍👍店員細心地指示要等芝士溶晒先開始，解說不用擔心焦底，等左一陣要開動喇！雞件非常足料，認真抵食。兩個人單單食芝士雞煲都飽了2/3，雞件啖啖肉，而且肉質鮮嫩多汁，被滿滿芝士嘅包裹着，更顯美味。食完雞件可加湯做火鍋，有芝士湯和雞湯選擇，既然是勁量芝士就來個雞湯配搭吧！手切肥牛油脂分佈均勻😋刀功精細放湯十多秒肉質腍滑👍爆汁芥末手打墨魚丸，爽口彈牙，墨魚丸內有芥末汁，口感復雜手做響鈴，鬆化可口，沒有太油膩，下鍋三秒放入口，也不會太淋。餐廳整體感覺乾淨，主要以卡位為主，待應貼心地用餐期間多次換碟，注重衛生。