影片
更多
2021-09-11
683 瀏覽
2021年8月30日 星期一好快又要開始準備返工，無論生理或者心理都完全未ready，不過一於少理，今晚照同老婆去到石門食飯為嘅就係呢一個招牌白胡椒蟹，因為上網見到人講好抵食加大件，身為蟹粉嘅我哋又點可以放過呢，而且位置同我哋居住嘅地點相差唔太遠，一程小巴就可以直接到餐廳位於酒店裡面，一上電梯直行就見到，都唔算太難搵，而且沿途都有指示牌入到去好快就坐低咗，見到餐牌有好多優惠，而其中當然包括有白胡椒蟹食啦，而且而家晚市時段惠顧正價嘅小菜一款，就可以免費品嚐到以上三款菜式其中一個，真係好抵，於是我哋就叫咗幾個小菜等咗大約15分鐘左右，我想食嘅招牌白胡椒肉蟹就首先登場，冇諗過隻蟹會咁大隻，差唔多覆蓋晒成個鐵板，而且嚟到嘅時候有好香嘅胡椒味，加上熱辣辣，未食已經垂涎三尺師傅已經事先整碎咗蟹殼，所以唔需要太用力都可以拆開蟹肉，醬汁夠晒濃味，越食辣味就越出，同時辣得幾滋味，愛辣嘅朋友一定好鍾意之後有半隻星海薈脆皮燒雞，雞皮燒得好香脆，但係一啲都唔油膩，裏面嘅雞肉仍然保持滑溜，唔會太韌，而且雞油唔算太多，點埋豉油一齊食更加滋味呢一個係三鮮海皇雜菜煲，裏面有好豐富嘅海鮮，包括蝦仁、翡翠蚌、蝦米等等，令
好快又要開始準備返工，無論生理或者心理都完全未ready，不過一於少理，今晚照同老婆去到石門食飯
為嘅就係呢一個招牌白胡椒蟹，因為上網見到人講好抵食加大件，身為蟹粉嘅我哋又點可以放過呢，而且位置同我哋居住嘅地點相差唔太遠，一程小巴就可以直接到
餐廳位於酒店裡面，一上電梯直行就見到，都唔算太難搵，而且沿途都有指示牌
入到去好快就坐低咗，見到餐牌有好多優惠，而其中當然包括有白胡椒蟹食啦，而且而家晚市時段惠顧正價嘅小菜一款，就可以免費品嚐到以上三款菜式其中一個，真係好抵，於是我哋就叫咗幾個小菜
等咗大約15分鐘左右，我想食嘅招牌白胡椒肉蟹就首先登場，冇諗過隻蟹會咁大隻，差唔多覆蓋晒成個鐵板，而且嚟到嘅時候有好香嘅胡椒味，加上熱辣辣，未食已經垂涎三尺
師傅已經事先整碎咗蟹殼，所以唔需要太用力都可以拆開蟹肉，醬汁夠晒濃味，越食辣味就越出，同時辣得幾滋味，愛辣嘅朋友一定好鍾意
之後有半隻星海薈脆皮燒雞，雞皮燒得好香脆，但係一啲都唔油膩，裏面嘅雞肉仍然保持滑溜，唔會太韌，而且雞油唔算太多，點埋豉油一齊食更加滋味
呢一個係三鮮海皇雜菜煲，裏面有好豐富嘅海鮮，包括蝦仁、翡翠蚌、蝦米等等，令到成個煲好鮮甜
至於蔬菜都有幾款，包括粉絲、小棠菜同白菜，菜好爽口，冇諗過會有咁多材料，兩個人完全食唔晒
最後仲有餐廳嘅招牌菜菠蘿咕嚕肉，每一舊肉都掛滿左醬汁，酸酸甜甜好開胃，啱晒夏天食，如果送飯食簡直一流
咕嚕肉嘅粉漿唔算太厚身，有咬口仲有肉汁流出黎添
叫咗咁多嘢食，最後食唔晒要打包部份食物拎走，埋單$1000都唔使，可以食到咁大隻胡椒蟹，感覺好滿足！！
張貼
