黑龍

營業中

休息中

放咗工同男朋友喺黑龍食晚餐，叫咗兩個小食兩個拉麵食到非常飽！❣️雞皮餃子❣️日式叉燒❣️沖繩鹽味豚骨拉麵❣️黑龍豚骨拉麵雞皮餃子邪惡雞皮餃子，食到舔舔脷👅！呢個餃子真係非常邪惡，用雞皮包住肉餡。大廚將餃子炸到香脆，因為用雞皮做外皮嘅緣故，雞皮嘅油脂俾肉餡吸晒，食落去充滿雞油香味，而且本身肉餡亦都有油脂和肉比，滋味增加咗一倍。日式叉燒超大塊日式叉燒，有成塊面咁大😂。叉燒嘅浴室同油脂非常豐富，而且仲配上咗秘製嘅叉燒醬汁，真係好味到冇得彈！沖繩鹽味豚骨拉麵🍜鹽味湯底係屬於比較清淡嘅湯底，所以食落去豚骨味濃郁。有爽口嘅高菜，食落去同啲面好夾。餐廳自製嘅日式叉燒亦非常好味😋黑龍豚骨拉麵🍜呢個招牌黑龍豚骨拉麵，有辣到可以選擇嘅，佢嘅辣非常惹味，又辣又香，非常刺激食慾。配料有叉燒，筍片，紫菜和蔥花，配搭麵一齊食，口感同味道都非常豐富！