維港灣餃子坊 (已結業)

今個星期六約咗朋友去元朗試下地道小食，由於太耐冇食過餃子，真係好想去餃子店食下， 我哋就揀咗呢間位於元朗嘅維港灣餃子坊， 嚟到門口已經見到大大嘅招牌介紹各種唔同嘅餃子，小店雖小，但係坐得好舒服。一坐低我哋就急不及待 一覽餐牌， 之前食開嘅餃子都只會係食韭菜或者椰菜， 但係今次我哋想試下其他唔同嘅滋味，所以嗌咗呢個流心芝士粟米煎餃六隻。呢個餃子冇令人失望！ 一咬開 ，熱辣辣嘅流心芝士就噴出嚟啦！粟米鮮甜， 再配埋啖啖嘅肉，好滑嘅皮，正到爆！ 每個餃子都會配一個豬骨湯！ 除左叫呢個，我哋亦都嗌咗一個黑松露拼韭菜餃各三隻， 叫個雙拼就可以使到更多唔同嘅味道。原來黑松露嘅餃子係可以咁特別，咁好食，韭菜餃更加係保守之選，實好味嘅！凍豆漿 除咗叫嘢食點少得豆漿呢！ 維港灣餃子坊更會提供凍豆漿，每杯只係六蚊， 已經係大大一杯， 物超所值！ 味道唔會太甜 豆香味超濃 正呀椒鹽花枝丸係我哋叫嘅小食， 脆脆嘅皮包住軟綿綿嘅花枝丸， 香噴噴嘅椒鹽味， 可以單獨食又得，配埋餃子食又得， 配豆漿隻更加得！