吉列牛忌廉烏冬專門店 (彌敦道) (已結業)

早排好hit食忌廉烏冬，一直都唔得閒試，今日終於得閒黎到 吉列牛忌廉烏冬專門店Kobekyu 試下從來都未食過既忌廉烏冬我同朋友除左點左個咖喱忌廉烏冬之外 仲叫左個吉列牛定食同Kobekyu牛油蜜糖單骨雞翼咖喱忌廉烏冬可以比你揀要牛定雞，因為諗到已經叫左個吉列牛既關係，所以揀左雞烏冬既賣相非常吸引，一大片雪白既忌廉上面再有蔥花點綴，忌廉之下就係咖喱烏冬，撈暈佢就會食到好creamy既咖喱汁，除左聞到好香既咖喱味仲有淡淡既奶香，烏冬夠爽口彈牙，雞肉都幾鮮嫩吉列牛定食包左好多野，有一大碗日本珍珠飯，一碗麵豉湯，胡麻醬豆腐同一粒蕃茄仔，仲有2款醬汁點吉列牛吉列牛外層炸到非常香脆，我地可以用石鍋爐自己熱到鐘意既熟度，基本上好快就熟可以食，牛味都幾香，外層既脆同內裡既鮮嫩形成好大對比，好有口感最後Kobekyu牛油蜜糖單骨雞翼，蜜糖既甜度剛好，單骨雞翼非常方便入口！