御膳

營業中

休息中

間唔中都想同屋企人去啲中式私房菜，食得好少少又可以成家人坐埋一齊開開心心食飯，實在難得👍🏻麻辣鹵水拼盤拼盤嘅麻辣味好足呀，真係會有啲麻麻地嘅感覺！唔食得辣嘅我唯有淺嘗😭 不過鍾意食辣嘅朋友超開心👍🏻花菇拼鵝掌一上枱見到大大粒又擺盤擺得咁靚，真係開胃啲！花菇厚厚有菇味，最鍾意食落啖啖肉嘅花菇！鵝掌就好入味，覺得自己食緊啖啖骨膠元落肚😆蒜片牛柳粒其實炒餸落蒜真係會加分，香左好多。牛柳粒數量都唔少架，炒落又唔老嫩滑，不錯不錯！蒜蓉粉絲蒸蟶子皇成餐飯都最鍾意嘅餸❤️ 蒜蓉粉絲依個組合放落貝殼類海鮮真係number one!!! ☝🏻 蟶子皇仲要無沙又大隻，鮮甜肥美，食得好滿足呀！蟹油銀芽炒麵食左咁多海鮮，都係時候要食番啲澱粉質喇 第一次食到用蟹油炒嘅麵，估唔到有驚喜！炒麵大大碟，加左蟹油香味陪增，不過又唔會太油淋淋，當然如果再多啲蟹油再香啲就更好喇🤤