影片
更多
2025-02-22
1397 瀏覽
上海菜老店當中，滬江飯店是不二之選滬江向來受歡迎，而家市道雖然一般，難得餐廳滿座之餘，仲有本地人及遊客即場等位，可見其受歡迎的程度。好彩我地預早打電話 book 枱，星期六晚飯時段才可以吃個夠。餐廳好易去，正正喺 i square 對面，不過就要行落樓梯，未必方便老人家或BB車。餐廳空間十足，主要以圓枱為主，亦有少量方枱。冷盤點了醉雞，雞件唔會太肥，有脾有翼，但酒味唔夠濃，要自行點汁才覺得夠味。小籠包一d都唔小，大大隻放了很多湯，點醋吃都要分開幾啖先食得完。鍋貼也不錯，正常水準鱔糊是其中一個最好味的餸菜，鱔絲嫰滑，配上濃醬的味道，自行加點新鮮蒜泥簡直是畫龍點睛！還以為砂鍋津白是津白高湯而已，原來仲有蛋餃、竹笙、金華火腿等配料，一鍋可以分到 7-8 碗，都算合理。今晚的焦點是片皮鴨如果好似我咁喜歡食傳統的片皮鴨，呢度就唔可以錯過啦！呢度連肉片的片皮鴨，真係好味，無花巧，就係單純一隻嫰滑多汁的烤鴨，好充足的大蔥、青瓜及醬汁，真係好好味！二食選了生菜包，生菜爽脆又大塊，鴨鬆夠哂濃味，襯番個生菜一齊食剛剛好每碟食物都份量十足，其實已經好夠，不過點可以缺少完美的句號呢？難得呢度有芋泥鍋餅，當然要
滬江向來受歡迎，而家市道雖然一般，難得餐廳滿座之餘，仲有本地人及遊客即場等位，可見其受歡迎的程度。好彩我地預早打電話 book 枱，星期六晚飯時段才可以吃個夠。
餐廳好易去，正正喺 i square 對面，不過就要行落樓梯，未必方便老人家或BB車。餐廳空間十足，主要以圓枱為主，亦有少量方枱。
冷盤點了醉雞，雞件唔會太肥，有脾有翼，但酒味唔夠濃，要自行點汁才覺得夠味。
小籠包一d都唔小，大大隻放了很多湯，點醋吃都要分開幾啖先食得完。
鍋貼也不錯，正常水準
鱔糊是其中一個最好味的餸菜，鱔絲嫰滑，配上濃醬的味道，自行加點新鮮蒜泥簡直是畫龍點睛！
還以為砂鍋津白是津白高湯而已，原來仲有蛋餃、竹笙、金華火腿等配料，一鍋可以分到 7-8 碗，都算合理。
今晚的焦點是片皮鴨如果好似我咁喜歡食傳統的片皮鴨，呢度就唔可以錯過啦！呢度連肉片的片皮鴨，真係好味，無花巧，就係單純一隻嫰滑多汁的烤鴨，好充足的大蔥、青瓜及醬汁，真係好好味！
二食選了生菜包，生菜爽脆又大塊，鴨鬆夠哂濃味，襯番個生菜一齊食剛剛好
每碟食物都份量十足，其實已經好夠，不過點可以缺少完美的句號呢？難得呢度有芋泥鍋餅，當然要食啦！同平時d鍋餅唔同，呢度個鍋餅係帶少少軟糯，唔係香脆嗰種，個芋泥唔會太甜，好好味
總結，今晚食咗既餸菜，樣樣都咁好味！唔駛問，一定有下次
張貼
