影片
更多
2022-06-19
42 瀏覽
朋友介紹去咗呢間拉麵店食拉麵，呢度出名嘅係雞骨湯底比較啱我，因為一路都覺得豬骨湯太肥太油膩，感覺比較肥。叫咗白雞湯拉麵，上枱幾對板喎，同張圖片好相似。有啲炸過嘅牛蒡絲，木耳，溫泉蛋，雞肉及豬肉，飲一飲個湯，湯底有濃郁嘅雞湯味，少少膠質，唔會太過鹹，湯底幾濃稠。面條都幾啱我口味，夠彈牙同埋索湯，仲有少少木耳絲及炸牛蒡，增加口感。另外朋友嗌咗醬油嘅拉麵，入口湯底幾清甜帶醬油香味，用上鰹魚湯汁，所以簡簡單單，入口充滿鮮味，唔會太油膩。一樣有二種肉都係經過慢煮嘅處理，所以個肉質都唔會太鞋口，完全係健康版嘅叉燒。溫泉蛋都交足貨，係糖心效果唔會太熟。另外我嗌咗個餃子配拉麵，餃子都算香脆，熱辣辣，日式嘅外皮，非常薄。小店裝修格局都似日本小店，湯底來講個人幾喜愛，熬湯嘅時間足夠，夠順滑，唔會太鹹太油膩，而且份量最緊要夠飽，試過食幾他日本拉麵店$100嘅湯麵唔夠飽，真係有啲難受！
有啲炸過嘅牛蒡絲，木耳，溫泉蛋，雞肉及豬肉，飲一飲個湯，湯底有濃郁嘅雞湯味，少少膠質，唔會太過鹹，湯底幾濃稠。
面條都幾啱我口味，夠彈牙同埋索湯，仲有少少木耳絲及炸牛蒡，增加口感。
另外朋友嗌咗醬油嘅拉麵，入口湯底幾清甜帶醬油香味，用上鰹魚湯汁，所以簡簡單單，入口充滿鮮味，唔會太油膩。
一樣有二種肉都係經過慢煮嘅處理，所以個肉質都唔會太鞋口，完全係健康版嘅叉燒。
溫泉蛋都交足貨，係糖心效果唔會太熟。
另外我嗌咗個餃子配拉麵，餃子都算香脆，熱辣辣，日式嘅外皮，非常薄。
小店裝修格局都似日本小店，湯底來講個人幾喜愛，熬湯嘅時間足夠，夠順滑，唔會太鹹太油膩，而且份量最緊要夠飽，試過食幾他日本拉麵店$100嘅湯麵唔夠飽，真係有啲難受！
張貼
