火鍋撚 (雲明行) (已結業)

老公今日去蘭桂坊見客，之後約我去附近的火鍋撚食火鍋。老公除了鍾意佢哋嘅湯底同食物優質好味外，還讚佢哋防疫措施做得好，檯與檯都有隔板隔開，入座前探熱，並向每位客人送上抗疫小禮物一份。讓客人食得放心。蜂巢豆腐白湯鍋：鎮店推介當然要試吓，用雞湯、豬骨湯、新鮮蔬果湯、滋補香料和原條人蔘，並加上適量忌廉牛乳煮成，滋補養氣，味道鮮味回甘。湯底有自製蜂巢豆腐和鴨血，口感香滑。蜂巢豆腐盡吸湯的精華，十分美味！響鈴卷：即叫即炸，點酸甜醬食，香脆可口，味道酸酸甜甜。亦可放湯食，只需灼3秒就得。煎午餐肉非常香口。桂花蚌好新鮮，口感爽脆。白鱔片薄切，味道鮮甜爽口冇腥味。至尊水餃皇和鮮蝦雲吞：即叫即包，非一般急凍貨，餡料飽滿又新鮮，每隻都有大隻鮮蝦好爽口，水餃皇多了木耳絲更添口感。食火鍋少不了藍妹啤酒雪碧。最後還有腐竹雞蛋沙冰送，腐竹味香，甜甜的味道又冰凍，非常好味的甜品！