火鍋撚 (雲咸街)

營業中

休息中

第一次同朋友嚟呢度聚餐，最開心🥳嘅就係佢無限時，唔會好似其他火鍋店咁食幾多分鐘，唔駛趕住食，趕住走。店員亦相當有禮貌，十分之友善。食完仲會送腐竹雞蛋糖水沙冰🥰，賣相又特別又精緻。好多款食物都有半份同全份嘅選擇，啱晒又想試多啲胃口又唔大嘅女仔，很貼心。又有啲食物例如魚片頭、魚腐，可以即刻食又得，（配埋甜酸醬）打邊爐又得。全部食物擺盤好靚，啱晒打卡影相。最鍾意佢呢度嘅封門柳、即炸魚皮、魚腐同埋韭菜餃，必食推介。

一直同朋友好喜歡依間邊爐 高質得黎 材料新鮮 性價比好高🤪 .湯底：酸菜白肉鍋、麻辣味、藥材豆腐養生鍋.3款都好出色 想讚一讚藥材豆漿湯 超好飲 同朋友不停飲😂👏🏻 足料 好多藥材 人參 杞子煲成 鮮甜 又唔單調酸菜白肉好醒神 又開胃 都係小編必叫既item 而麻辣 麻跟辣 平等唔會過辣 又有麻子既香味✌🏻.材料方面都好新鮮 由其佢既雞件 係半隻雞咁上 😱十分驚喜 牛就不過不失 鐘意食薯粉朋友一定要叫佢既薯粉 薄身 長方形的 不錯👏🏻 佢地既食材比較另類 出面少食到 環境好舒服 坐座唔逼 唔會好似一般火鍋店逼住逼住 熱辣辣👍🏻👍🏻 .價錢唔算平 中上價 兩個人食可能都要500以上先埋到單

天氣愈凍 愈多朋友, 打邊爐就愈開心愈好食😝 今次朋友一早book左位, 平日夜晚去到就7成滿左右. 我地4個人坐左張6人枱, 好闊落haha秘制麻辣鍋🌶️ + 酸菜白肉鍋🍲酸菜白肉幾特別, 鍾意酸酸地 開胃既可以一試~ 麻辣都偏辣, 要食得辣先好叫哈哈. 佢d豉油醬料配搭超多, 係邊爐黎講, 醬料都好重要😎餐廳既食物選擇都好豐富, 推介安格斯牛同埋爆漿牛丸, 好新鮮又好juicy. 其他豬肉, 雞肉, 丸同響鈴就正常發揮, 不過好在係有得叫一份/半份, 可以咩都試下, 就算唔多人食都可以好豐富hehe. 不過我地叫左份蟹柳就得3條...都幾少下lol我自己好鍾意飲佢既腐竹雞蛋糖水冰沙, 超香超夾邊爐! 不過有d朋友就覺得太甜haha🥢總結: 湯底同醬料都有特色, 推介安格斯牛同埋爆漿牛丸. 如果同frd食都會再黎, 坐得好舒服不過就真係唔平haha~

• 雙拼鍋底：祖傳秘製麻辣鍋/ 蜂巢豆腐白湯鍋 $190 🌶🥛麻辣鍋我地叫咗中辣 入面已經有鴨血同蜂巢豆腐 麻辣鍋夠辣夠香 白湯入面仲有成條人參 好香濃 鴨血係台式qq個種 蜂巢豆腐分別索曬兩種湯 好入味 超正！ 叫呢兩款湯都可以無限任加鴨血同豆腐• 火鍋撚御用手切肥牛（大）$377 🐂• 即炸三秒響鈴卷（半份）$35 🧻• 原味炸魚皮 $57 🐟• 雙拼鮮蝦雲吞/ 韭菜餃 $72 🦐🥬• 炸牛餐肉 $65🐷• 黑松露墨魚滑 $64/ 手打蝦滑 $55（各半份）🦑🦐超級推介蝦滑！！！除咗啖啖蝦肉蓉之外 仲有好多半隻蝦身係入面 超滿足總結：味道唔錯 價錢合理 坐得舒服～ 中意佢有得叫半份同冇限時 慶生聚會都推介試吓呢間！🫶🏻 4.4/5

近年最鐘意嘅火鍋店，係中環、西環，旺角都有分店。食材好新鮮，味道好好，擺盤好靚，大部分食材都可以揀全份或半份。火鍋湯底夠濃又有好多配料。湯底有兩款麻辣湯、兩款老火湯。今次揀左一品酸菜白肉鍋 $148 有勁多酸菜、娃娃菜同腩肉片，仲有少少紅薯寛粉。蜂巢豆腐白湯鍋 $160 有好多舊豆腐，唔洗再另外嗌😂 用人蔘同牛乳煮成。鴛鴦鍋 加$30極品安格斯肥牛 $168小脂肪均勻，入口即溶，牛肉味道濃，仲用牛肉捲左玫瑰花鴛窵雙蚌 $145有㻚瑚蚌同桂花蚌，新鮮爽口，淥3秒就ok即炸三秒響鈴 $58例香口酥脆，可以就咁食或浸湯蟹柳、韮菜餃、油條、蝦滑都好食😋可以試下。最後每人會送一小杯腐竹糖水沙冰，好味呀，完全係腐竹糖水味，食完濃味野可以解下油膩感。推介指數：9/10📍 火鍋撚中環雲咸街46-48號雲明行3樓旺角染布房街6號1樓西環石塘咀皇后大道西554-560號日富里百好大廈地下1號舖

朋友介紹去呢間打邊爐，雖然貴但真係好好食🤤叫咗媽媽老火湯做湯底，個湯好味道打邊爐之前已經飲咗一碗🤣湯渣都好好食不過開始打邊爐之後，下個禮拜溝咗其他食材嘅味道就冇咁好飲了呢間打邊爐加湯係會加返自己原本嘅湯底，唔怕會愈打愈淡大部份食物都好好食其實個蟹柳有少少失望，蟹柳又唔係貴價食材，都要撕成幼條🌚因為撕開左，佢喺個煲入邊會散得特別快，然後消失喺個煲入面⋯⋯響鈴同一般火鍋店嘅響鈴好唔同因為我哋個湯底唔係太濃味，所以食得出勁重豆味！！質感偏硬少少，放落鍋度可能要滾多幾秒先拎上嚟食會好啲個午餐肉煎到勁靚🤣靚到好想就咁食快淥咗十零秒就食，入口都仲感覺到煎香過嘅味道第一次見打邊爐嘅炸魚皮有炸蒜朋友話佢媽媽試過就咁食，食咗半碟，所以我又試吓就咁食，好咸好脆、有魚味、好好食(其實咸都正常，因為預浸落個湯度食)雖然覺得咸，但好食到就咁食咗幾塊🤣🤣最後每人送咗一小杯腐竹糖水沙冰飲到有幾絲腐竹，感覺真係拎啲腐竹糖水整成沙冰不過佢作為沙冰都好甜，如果當飲品飲就完全唔解渴，但係作為甜品就非常好味🤤

好很差！ 半份丸得3粒！ 10蚊1粒丸！ 又貴又難食 完全諗唔到好評好係邊？ 買返嚟架？ 伏到傻下傻下！ 油炸鬼硬過磨牙石！ 沙冰難飲到唔識形容 半個鐘仲係得冰 三個層次嘅味道 每個都咁難飲！ 而且仲要唔乾淨，食完屙到好似日式咖喱嗰種咖喱咁，完全係將沙嗲湯底嗰種湯底一比一咁屙返出嚟，個肚超級痛。而且舖頭環境仲要好差，廁所非常污糟，真係完全唔會有下次送埋錢俾我都唔會再食，奉勸大家試都唔好試，不可一不可再，又貴又難食！俾錢買罪受！

餐廳在中環雲咸街， last order係1:45 am，可以坐到3am。非常適合夜貓一族。餐廳火鍋湯底非常特別，我們選了鴛鴦鍋，是媽媽滋補老火湯拼一品酸菜白肉鍋，媽媽湯非常好味，飲得出老火湯味道，酸菜白肉湯的酸味頗突出，教推薦前者。調味架有很多選擇，芫荽、香蔥、生蒜、熟蒜、麻油、醬油、香醋、麻油、指天椒、沙嗲醬等等。點了花膠、竹笙、珊瑚蚌，這三款也挺好味的，爽滑帶脆。還有蝦滑，味道也好。肉類點了羊肉片、安格斯牛肉，羊肉較牛肉出色，沒有羊羶味。菜就點了菜心苗、娃娃菜，兩款菜也很新鮮，味道清甜。餐廳有不少熟食小吃，今次點了椒鹽九肚魚，九肚魚新鮮滑溜，外層炸漿做得香熱酥脆，非常好味。餐廳衛生OK，職員有線，環境低點懷舊氣氛，整體用餐愉快。

近來天氣越嚟越凍，決定搵日閒日放工之後去打邊爐🥶閒日間舖都幾熱鬧，但係又唔算好逼好多人，訂左位就即刻入得😆湯底都有幾多唔同選擇，有辣有唔辣不過想試真少少原材料嘅味，所以就叫左個清啲酸菜白肉鍋～估佢唔到個湯底又幾正，入面都俾好多料😛都叫左幾多其他嘢，有響鈴、脆肉鯇、牛肉、豬肉同埋豬潤😛😛佢啲滑同個五色丸丸拼盤好正🥰佢啲肉上碟嗰陣都擺得好特別幾用心如果有要打卡嘅朋友就啱哂🤣個響鈴炸得啱啱好，好脆，但係唔會話好油膩👍🏻同埋佢好貼心嘅位係大部分嘢食都有半份同全份揀，就算人少少想試多啲嘢都無問題啊🤩最後佢仲送左個腐竹糖水沙冰🤍個味同平時腐竹蛋糖水一樣，凍冰冰打完邊爐飲真係幾爽🤣埋單價錢都合理，唔算特別平但係如果想一班朋友打邊爐，要好食又想坐得舒服呢度一流啊😆😆

我講緊係我哋嘅打邊爐好去處～火鍋撚，中環呢間分店樓底都夠高，唔會有侷促感。呢度嘅湯底正到可以當湯咁飲蜂巢豆腐白湯鍋～白雪雪嘅湯底有大大條人蔘，湯頭順滑回甘，感覺滋補，原來而家做緊promotion，平日黎到，湯底嘅食材可以任Refill，勁正呀😋可以任食蜂巢豆腐和鴨血。我哋order咗幾款火鍋料，巧手韮菜餃、頂級梅花豬肉款款都勁新鮮，特別推介香滷牛筋，本身鍾意軟滑嘅口感，所以一上枱我就擺落去滾，大約20分鐘就食得了，牛筋好入味，肉質嫩而不膩，有啲以海參，好juicy，必食之選！買單嘅時候，仲送贈腐竹雞蛋糖水沙冰添😍

原來星期一至四嚟到，湯底嘅食材可以任refill真係好正😍我哋揀咗蜂巢豆腐白湯鍋，湯底藥材味唔算好重，入口甘甜，Order呢個湯底，可以refill嘅有台式鴨血和蜂巢豆腐，豆腐充滿彈性，非常吸湯，每啖食落去都咇汁，啖啖都飲到濃郁嘅白湯，好正🥰火鍋材料方面我哋食咗 極品安格斯肥牛（大）、出前一丁和手打雙重芝心丸，肥牛採用牛小排嘅位置，入口香濃牛味、油花四濺，好嫩滑！芝心丸香口彈牙，食嘅時候要小心啲，真係好流心。最尾滾番個出前一丁，吸收湯底精華🥰小食嘅椒鹽九肚魚，即叫即整，上到枱仲係熱騰騰，炸蒜味超香，高質！最後仲有得贈送腐竹雞蛋沙冰添，唔會太甜，好特別！

近日天氣開始轉涼，於是就約咗朋友今晚嚟試吓呢間bookmark咗一排嘅火鍋店打邊爐。一入到去，就俾佢嘅古典風裝修吸引住，十分之有古典氣息。由於朋友唔太好食辣，於是我哋就叫咗個鴛鴦湯底：祖傳秘製麻辣鍋拼蜂巢豆腐白湯鍋🍲首先試咗個蜂巢豆腐白湯鍋，湯底本身包咗蜂巢豆腐同埋鴨血，一定要試佢個蜂巢豆腐，吸晒啲湯好好味～加上白湯鍋湯底飲落都好滋潤，可以喺嘢食嚟之前食住豆腐同鴨血加飲住湯先～而麻辣湯底都十分夠味，我覺得淥完嘢唔使點醬食都得～呢度嘅醬料比起一般火鍋店有更多選擇，鍾意點「混醬」都得～呢個即炸響鈴超級脆口！仲配埋甜酸醬可以唔浸湯就咁食，我就鍾意一半點醬就咁食一半浸湯，雙重享受！珊瑚蚌超級新鮮爽口，煮10秒就食得～下次絕對會encore！一上到嚟個賣相已經十分吸引😍牛肉嘅雪花分明，油脂分布平均～個人鍾意放到麻辣湯淥一淥，入口嫩滑得嚟又吸晒麻辣湯嘅香味，又係encore之選！黑豚肉同樣都係油花十分之靚，入口嘅肉味都十足～個人覺得全餐飯最驚艷到我嘅就係呢個餐廳送嘅腐竹雞蛋沙冰！唔單止佢呢個容器嘅設計十分特別，入面嘅腐竹雞蛋沙冰亦都十分之順口同有特色，好似濃縮咗嘅腐竹雞蛋糖水咁，好

呢間連鎖火鍋店， 最吸引既係湯底同食材新鮮， 再加少少創意料理，岩哂香港人同旅客。裝修有心思。抵讚唔好之處係地方有點遠， 同多d 人手就好喇（ 須知道香港地宜家好難請人）是夜， 點左雙拼湯底 老火湯同鍋巢豆腐白湯原汁原材料煮成既湯底， 加上新鮮既食材。真心開心同享受。牛肉總類多， 點了份牛小排， 物超所值可能係餐廳人多，食物一定新鮮。鮮炸西瓜汁成個西瓜炸左咁， 冇渣，冇加糖。好清甜手打蝦丸水餃拼盤 好有驚喜， 大大粒又好食。 腐竹雞蛋糖水。 好新鮮

聽過呢間餐飯好耐喇～ 終於約到朋友一齊嚟試！呢度裝修幾特別 有種古色古香嘅感覺 而且座位都幾舒服 枱同位之間都唔會太迫夾仲有嘅係估唔到呢度啲嘢有得嗌半份！兩個人嚟嘅話就可以叫多啲款色唔洗嘥嘢/食到太飽聽聞呢度湯底出色 果然無錯我地叫咗麻辣同豆腐白湯鴛鴦鍋 湯底好入味 而且好多料每次加湯都唔係好似平時啲舖頭咁清一色加同一隻唔同味嘅湯底 呢度會加返嗰隻湯 咁就唔會越食越淡打邊爐點少得響鈴！呢個響鈴好新鮮好脆 係金黃色唔會太燶 就咁食或者浸落湯都可以呢個安格斯牛好夠肉味 好新鮮 淥一淥唔洗全熟咁食 好正 又唔會太多油脂喎同埋影相好靚呀 啱哂打卡～黑豚肉好食 唔會好重豬味 而且好鬆軟午餐肉就正常啦 好難伏🤣呢度餃子類都出名呀！呢個四寶餃拼盤可以試哂唔同款 有水餃 韭菜餃 雲吞 同魚皮餃全部都好食珊瑚蚌好爽好好食！一定要叫！菜好大碟好新鮮打邊爐咁熱氣梗係要整返枝竹蔗茅根啦呢個好好飲啊 好清甜 清熱又解渴餐廳送嘅甜品超好味！！係腐竹雞蛋糖水沙冰味道好濃又唔甜 好正啊 如果有得比錢嗌大杯啲就好

今晚同同事HAPPY HOUR之後過左黎食野呢間位於蘭桂芳上面條街既打邊爐地理位置真係非常好好適合同朋友飲完野或者飲野之前黎食返餐醬料會係坐低後無耐 由店員提供,自助調配今日我地叫左鴛鴦湯(蜂巢豆腐白湯+台式古早沙嗲麻辣鍋)$1️⃣9️⃣8️⃣鴨血任加~真係好開心!竹蔗茅根紅蘿蔔馬啼水$7️⃣8️⃣呢個可以話係必點好降火水土魷魚$3️⃣7️⃣ (半份)脆鯇魚骨腩$8️⃣6️⃣ 皇牌魚皮餃（半份）$4️⃣0️⃣魚皮餃好味 因為數量唔多建議可以叫足一份即炸三秒響鈴卷（半份）$3️⃣5️⃣營養綜合菇 $9️⃣5️⃣如果人多可以叫一大份P.s. 呢間令我最高興莫過於任食既鴨血！辣唔辣都得！必吃！食完可以禮貌地叫店員加😆