影片
更多
2022-08-23
694 瀏覽
過咗嚟港島返工差唔多成兩個月, 工作開始順暢好多, 放工有心情搵吓美食.女友小熊今日係太古收工, 之後連放四日大假, 佢就更加有心情去搵美食.佢問我過北角方唔方便, 因為佢想去金鶴, 佢話掛住個濃湯. 話時話, 都有一段時間無落去金鶴嘆吓個濃湯, 於是決定今晚落金鶴開餐, 先發現原先打算去嘅北角店已經無做, 好彩行過兩條街嘅天后店仍然營業.行到入店舖, 環境極有日劇 "深夜食堂" feel. 而且播放一首極冷門嘅日劇 "Over time 三十拉警報" 主題曲, 突然間好似身處日本D後巷街頭.上一次幫襯, 期間限定嘅炸軟殼蟹拉麵已經下架, 換嚟嘅係鯛魚拉麵, 小熊話點哩款, 而我都係點翻極濃蟹湯拉麵.鯛魚魚肉嫩滑無骨, 魚肉鮮甜, 相信材料新鮮先咁鮮甜.好驚D蟹肉放湯後會沖散到無影, 所以嗱嗱聲食哂D蟹肉, 蟹肉份量唔算少無偷工減料, 味道同樣鮮甜, 拉麵麵身彈牙之餘口感比較硬.對我哩講, 成碗拉麵, 湯先係主角, 拉麵掛滿濃到不可再濃嘅湯, 每次都飲哂D湯為止, 濃郁得離唔會太咸, 唔係食家都飲得出顏色偏白嘅湯頭花上唔少心機時間同材料淆制, 一飲難忘.講完拉麵, 轉為講吓碟炸雞, 炸
女友小熊今日係太古收工, 之後連放四日大假, 佢就更加有心情去搵美食.
佢問我過北角方唔方便, 因為佢想去金鶴, 佢話掛住個濃湯.
話時話, 都有一段時間無落去金鶴嘆吓個濃湯, 於是決定今晚落金鶴開餐, 先發現原先打算去嘅北角店已經無做, 好彩行過兩條街嘅天后店仍然營業.
行到入店舖, 環境極有日劇 "深夜食堂" feel. 而且播放一首極冷門嘅日劇 "Over time 三十拉警報" 主題曲, 突然間好似身處日本D後巷街頭.
上一次幫襯, 期間限定嘅炸軟殼蟹拉麵已經下架, 換嚟嘅係鯛魚拉麵, 小熊話點哩款, 而我都係點翻極濃蟹湯拉麵.
鯛魚魚肉嫩滑無骨, 魚肉鮮甜, 相信材料新鮮先咁鮮甜.
好驚D蟹肉放湯後會沖散到無影, 所以嗱嗱聲食哂D蟹肉, 蟹肉份量唔算少無偷工減料, 味道同樣鮮甜, 拉麵麵身彈牙之餘口感比較硬.
對我哩講, 成碗拉麵, 湯先係主角, 拉麵掛滿濃到不可再濃嘅湯, 每次都飲哂D湯為止, 濃郁得離唔會太咸, 唔係食家都飲得出顏色偏白嘅湯頭花上唔少心機時間同材料淆制, 一飲難忘.
講完拉麵, 轉為講吓碟炸雞, 炸雞外層一D炸槳都無落, 雞皮炸得相當脆口, 但雞肉卻極之 juicy 肉嫩一D都唔乾身, 滿意.
小熊話等到冬季最凍果日再嚟飲哩個濃湯!
鯛魚拉麵
26 瀏覽
0 讚好
0 留言
蟹湯拉麵
22 瀏覽
0 讚好
0 留言
張貼
