雞駅花膠雞米線專門店

營業中

休息中

今日收工同同事經過，見到好多人排隊，我哋諗一定唔差啦！於是我哋又排埋一份，呢度主打係招牌花膠雞湯米線，果然有驚喜。椰子雞米線 $60湯底：椰子味香濃，仲好Creamy，平時出街食湯粉麵，我係唔會飲啲湯，但呢度個湯我幾乎全部飲晒，呢個湯底加埋嫩滑嘅雞肉同埋爽口軟滑嘅米線一齊食，真係好食到不得了。姬松茸竹笙花膠雞米線 $78湯底：菇味重同埋雞湯都好濃郁，花膠香軟滑溜，雞肉嫩滑，雖然有啲雞胸肉，但一啲都唔柴，湯底都照樣飲晒，好味道。蜜糖雞翼 $42大大隻嘅雞翼，外脆內嫩，非常香口。整體：湯料份量十足，而且完全冇味精，價錢唔算貴，真係性價比高，值得推介！