海樂餃子店

營業中

休息中

今日去開北角做野 夜晚覓食既時候 路過一間街坊餃子小店見湯底係花膠淮山豬骨湯底 標榜無味精 所以就決定入去試下餃子有好多款式 花多眼亂 我揀左香菇粟米湯餃 一試個湯底 就覺得味道好濃郁 好重花膠味 感覺好滋補 真材實料 飲完唔會口渴 一啖接一啖 結果就唔經唔覺飲哂成碗湯。 咁岩見到鋪頭入面有成箱花膠 感覺老闆好重本 至於餃子好大粒 份量好足 香菇味好出 同埋有粒粒粟米 口感十足 好飽 平時好大食既我 淨係食8隻餃已經飽左 真係好抵食 下次會再去 另外，推介個辣醬！唔算太咸 但夠麻夠辣 🌶 鍾意食辣既不妨一試！另外，呢間小店似係家庭式經營，服務態度好好 非常有禮貌 值得比機會一試。