影片
更多
2023-03-16
45 瀏覽
今晚黎到尖沙咀搵食，朋友係呢頭返工，就推薦左*淥烚年代*，原來呢度係朋友同佢同事經常lunch time黎開餐😆，蒸飯加埋燉湯都係$78，而家好多人屋企都係*無飯家庭*😆，黎呢度食飯就可以飲番個燉湯滋潤下😆。做私房菜餐館一般地方都唔會好大，不過勝在枱與枱間距都幾闊落，坐得好舒服，而且仲有兩間廂房，一班人黎聚會都好有私隱度。先點一個滋補湯底，川貝百合燉螺片湯，川貝有清熱潤肺，化痰止咳；螺片有滋陰補腎功效，呢個湯底最岩我平日經常捱夜會好噪熱飲用，個湯入口好清潤，慢慢會有川貝嘅回甘；螺片嘅份量都唔小，的確好足料👍🏻。每人飲左兩碗靚湯，急不及待order左幾款火鍋食材：🥢安格斯牛肉（小份）都幾大碟，牛肉肥瘦分怖均勻，有咬口之餘，越𡁻越有牛味，尤其有油花部分，𡁻落更加甘香。🥟蟹皇餃 ，好結實足料，啖啖蟹膠，口感充實；🥟養顏桃膠餃，聽個名都好養顏，岩晒我😋，咬開真係有好多桃膠係入邊，真材實料👍🏻。🥢活海蝦，鮮甜爽彈；🥢新鮮鵝腸，真係放落湯淥幾下就得架啦，非常爽口；🥢鮮粉腸，真心一讚洗得好乾淨，原全唔會有up 味，入口軟滑，内部的粉狀飽滿，味道甘香。🥢水魷/牛栢葉，呢兩款都屬厚切，原全滿足口感，水魷
做私房菜餐館一般地方都唔會好大，不過勝在枱與枱間距都幾闊落，坐得好舒服，而且仲有兩間廂房，一班人黎聚會都好有私隱度。
先點一個滋補湯底，川貝百合燉螺片湯，川貝有清熱潤肺，化痰止咳；螺片有滋陰補腎功效，呢個湯底最岩我平日經常捱夜會好噪熱飲用，個湯入口好清潤，慢慢會有川貝嘅回甘；螺片嘅份量都唔小，的確好足料👍🏻。
每人飲左兩碗靚湯，急不及待order左幾款火鍋食材：
🥢安格斯牛肉（小份）都幾大碟，牛肉肥瘦分怖均勻，有咬口之餘，越𡁻越有牛味，尤其有油花部分，𡁻落更加甘香。
🥟蟹皇餃 ，好結實足料，啖啖蟹膠，口感充實；
🥟養顏桃膠餃，聽個名都好養顏，岩晒我😋，咬開真係有好多桃膠係入邊，真材實料👍🏻。
🥢活海蝦，鮮甜爽彈；
🥢新鮮鵝腸，真係放落湯淥幾下就得架啦，非常爽口；
🥢鮮粉腸，真心一讚洗得好乾淨，原全唔會有up 味，入口軟滑，内部的粉狀飽滿，味道甘香。
🥢水魷/牛栢葉，呢兩款都屬厚切，原全滿足口感，水魷只須係湯入邊淥幾淥，就卷成一圈，蘸點辣椒豉油食用一流👍🏻；牛栢葉淥嘅時間都唔好大耐，入口就會好爽脆。
🥢日本黑豚肉，齋睇個樣好似有啲肥溜，但經高溫靚湯煮熟之後，油脂部分消失晒，入口甘香，一啲肥溜感覺都冇。
🥢萵筍，好新鮮，淥完索左湯汁，更加鮮甜。
張貼
