Hot Pot 熱‧海鮮火鍋私房菜 (已結業)

朋友帶我黎呢間打邊爐都唔錯，個湯底同d火鍋配料勁新鮮。皮蛋芫荽湯個湯底奶白色，大量芫荽同皮蛋，個奶白色湯底都幾鮮甜。嫩滑鴨血塊塊都幾大塊，口感嫩滑，打邊爐一流。手打蝦丸勁新鮮，食落好爽口彈牙，好重蝦味。牛肝菌竹笙餃size都幾大隻，牛肝菌嘅香味好特出，好香，加埋入面有竹笙，所以食落帶有爽口嘅口感鮮蝦水餃入面有原隻大蝦，仲有木耳喺入面，食落好爽口，好味。黑毛肚片片都好大塊，淥一淥就食得，口感好爽口。去皮雞肶肉d雞肉勁新鮮，去咗皮，冇咁肥，雞肉都幾嫩滑。豬大腸清洗得好乾淨，唔算太肥，食落一d都唔韌，唔錯。