Suage北海道湯咖哩

營業中

休息中

太耐冇去過朗豪坊食嘢，今次嚟都係有目的！最主要係想食呢間上個星期社交平台 page推介嘅過江龍餐廳，見到網上評價都唔錯，湯咖喱又係一個好吸引嘅新嘗試🥰嚟到淨係湯咖喱已經有好多款唔同嘅配搭，望落都覺得好吸引，最後我地就決定揀呢兩款！👅珍寶海老海鮮盛湯咖喱呢一隻珍寶海老比起平時食嘅鮮蝦大隻好多，啲蝦肉真係特別鮮甜，除咗海老之外，仲有少少其他嘅海鮮配菜，成碗都係海鮮同埋咖喱嘅香味啊！呢款我就揀咗配烏冬，烏冬滑到雪雪聲好正啊！👅炸蝦天婦羅湯咖喱依然都係蝦，但今次呢款係截然不同口感嘅炸蝦天婦羅，同樣入面都食到蝦肉幾鮮甜，外面嘅炸粉唔厚好香脆，呢款我配咗要飯，珍珠米配上咖喱，飯嘅口感好軟糯啊！