影片
更多
2025-01-29
192 瀏覽
今次又同同事過左去旺角做野，我地就入左朗豪坊搵野食，同事話想試下長電梯隔離呢間湯咖哩店，咁就跟佢試下啦😗佢坐位係普通餐廳既位，勝在呢層樓底超高，有少少露天feel，幾舒服，叫餐就係用QR code，都有一本本既餐牌😉脆皮雞腿肉串湯咖喱（$82）呢個係平日既午市套餐，包埋有芝麻醬沙律，同埋一杯凍香果茶，主食可以揀飯，拉麵，烏冬，我叫揀左拉麵，覺得湯要配麵先好食，個雞腿肉串感覺似煎香左既雞，幾好食，個湯睇落好杰，食落就真係湯黎，可以好似拉麵湯咁飲，辣度都有得按自己喜好選擇🍛墨魚川海老釀大啡菇黑松露湯咖哩（$118）呢一款係期間限定，見佢咁特別就單點左佢，午市套餐係冇呢款份，個大啡菇釀入左墨魚滑，個口感幾過癮，彈牙得黎又有菇既味道，呢個主食就揀左烏冬，無論烏冬定拉麵我都覺得同個湯底幾夾😄炸薯條配黑松露醬（$28）呢個薯條都係期間限定既小食，薯條夠熱夠脆，點黑松露醬都幾好食🍟牛奶咖啡（$26）因為烏冬唔係跟餐，單點左杯牛奶咖啡，佢有cafe級數，賣相幾靚仲有拉花，味道都唔錯☕️日本3.5生乳抹茶芭菲（$68）整體做得幾靚，最頂既兩粒抹茶糕個樣少少失色，每一層都整得唔錯，我最鐘意就係最底既紅豆同抹
佢坐位係普通餐廳既位，勝在呢層樓底超高，有少少露天feel，幾舒服，叫餐就係用QR code，都有一本本既餐牌😉
脆皮雞腿肉串湯咖喱（$82）
呢個係平日既午市套餐，包埋有芝麻醬沙律，同埋一杯凍香果茶，主食可以揀飯，拉麵，烏冬，我叫揀左拉麵，覺得湯要配麵先好食，個雞腿肉串感覺似煎香左既雞，幾好食，個湯睇落好杰，食落就真係湯黎，可以好似拉麵湯咁飲，辣度都有得按自己喜好選擇🍛
墨魚川海老釀大啡菇黑松露湯咖哩（$118）
呢一款係期間限定，見佢咁特別就單點左佢，午市套餐係冇呢款份，個大啡菇釀入左墨魚滑，個口感幾過癮，彈牙得黎又有菇既味道，呢個主食就揀左烏冬，無論烏冬定拉麵我都覺得同個湯底幾夾😄
炸薯條配黑松露醬（$28）
呢個薯條都係期間限定既小食，薯條夠熱夠脆，點黑松露醬都幾好食🍟
牛奶咖啡（$26）
因為烏冬唔係跟餐，單點左杯牛奶咖啡，佢有cafe級數，賣相幾靚仲有拉花，味道都唔錯☕️
日本3.5生乳抹茶芭菲（$68）
整體做得幾靚，最頂既兩粒抹茶糕個樣少少失色，每一層都整得唔錯，我最鐘意就係最底既紅豆同抹茶層，呢層夾埋粟米片食最正🍨
呢間餐廳既咖哩湯都幾好食，我以為會唔夾，其實都唔係，同過主食揀麵食係唔錯，唔知撈飯又會係點樣，而午市套餐都幾抵食，其間限定既都有特色，雪糕甜品除左堂食都有外賣，整體呢間餐廳都係幾好👍🏻
張貼
