秋嵐日本料理

營業中

休息中

太掛住日本嘅牛舌檸檬，所以今日即興去香港版嘅牛舌檸檬。我哋兩點去到，唔使排隊，不過佢三點就落場，如果大家去食嘅話就要留意番落場時間。🔹極味厚切牛舌套餐 (附咖喱牛舌) $158另加 $38 由白飯轉三文魚籽飯一嚟到基本上同日本嘅牛舌檸檬外貌差唔多，牛舌好厚切，而且唔會過熟，每一舊牛舌中心都粉嫩粉嫩，外層焦脆，內裏嫩口彈牙，口感層次豐富，正🤤配菜咖喱牛舌都好出色，同日本版差唔多，好好食😍😋另外轉配咗三文魚籽飯，雖然冇鋪滿成碗飯，但份量都唔少，味道都好鮮甜，如果再加配埋隻蛋黃應該仲正😋值得一提嘅係佢嘅蒸蛋，呢樣係日本版冇嘅嘢，不過佢蒸到超級滑，好味🥰鍾意食牛舌嘅你真係不妨一試！