麵麵俱到

營業中

休息中

元朗好順景大廈附近好多好野食，今次係條巷仔發現左呢間好有誠意既小店! 呢到係做港日fusion菜，主打湯麵。蟹肉海老鮮蝦味噌湯配料有好多，虎蝦 ,蟹肉 ,嗚門卷等等，大蝦爽口彈牙。湯底好鮮味，第一啖係食到味噌既鹹，之後回甘，有D似北海道拉面風格。呢款配左讚岐烏冬，比較粗身，口感煙韌，同時好掛湯。原來可以加辣肉醬，食辣既朋友又多個選擇。麵麵俱到麵全食另外叫左呢個，有更多配料，好豐富! 有牛肋肉, 豬軟骨 同豬皮脆脆等，湯底係壽喜燒湯，食落甜甜地，好好飲! 牛肋肉唔會太冧又唔會太韌，咬落有口感。豬軟骨炆得好入味，調味岩岩好，有醬油既味道又唔會過咸! 豬皮脆脆好酥脆! 另外仲加錢升級套餐，加左個唐揚炸雞仲有飲品，抵食大滿足!