影片
更多
2023-04-13
1528 瀏覽
好耐冇幫襯過大牌檔，咁啱朋友約食飯，選址吳松街臨時熟食小販市場。市場於 2021 年完成翻新工程，獨特嘅圓桶形建築設計，感覺煥然一新。室內約有十個攤位，朋友推介呢間主打鑊氣小炒及海鮮小菜嘅「榮發大排檔」。點咗幾個小菜，另加排骨煲仔飯，一於慢慢食慢慢傾。嚟大排檔又點少得椒鹽鮮魷 ($88)，呢度真係做得唔錯，勁大碟，外層粉漿超鬆化，魷魚肉爽脆彈牙，入口一啲都唔韌，椒鹽味亦啱啱好，趁熱食好滋味！跟住係琵琶豆腐 ($88)，即係豆腐混合鯪魚肉烹煮嘅一道小菜，先蒸後炸，外層微脆、內裡軟滑富豆香，鯪魚肉膠質豐富、夠彈牙，加埋芡汁調味，老少咸宜。接著是果皮蒸泥鯭 ($88)，泥鯭好新鮮，魚肉夠紮實，果皮很香，能帶出泥鯭嘅鮮味。值得一提，廚房將每條泥鯭都處理得好乾淨，絕對可以放心享用。最後來一煲暖笠笠嘅排骨煲仔飯 ($68)，烹調時間處理得剛剛好，排骨腍滑又入味，米飯粒粒分明，再注入甜豉油，飽肚又暖胃。可樂 ($10)、王老吉 ($15)
好耐冇幫襯過大牌檔，咁啱朋友約食飯，選址吳松街臨時熟食小販市場。市場於 2021 年完成翻新工程，獨特嘅圓桶形建築設計，感覺煥然一新。
室內約有十個攤位，朋友推介呢間主打鑊氣小炒及海鮮小菜嘅「榮發大排檔」。
點咗幾個小菜，另加排骨煲仔飯，一於慢慢食慢慢傾。
嚟大排檔又點少得椒鹽鮮魷 ($88)，呢度真係做得唔錯，勁大碟，外層粉漿超鬆化，魷魚肉爽脆彈牙，入口一啲都唔韌，椒鹽味亦啱啱好，趁熱食好滋味！
跟住係琵琶豆腐 ($88)，即係豆腐混合鯪魚肉烹煮嘅一道小菜，先蒸後炸，外層微脆、內裡軟滑富豆香，鯪魚肉膠質豐富、夠彈牙，加埋芡汁調味，老少咸宜。
接著是果皮蒸泥鯭 ($88)，泥鯭好新鮮，魚肉夠紮實，果皮很香，能帶出泥鯭嘅鮮味。值得一提，廚房將每條泥鯭都處理得好乾淨，絕對可以放心享用。
最後來一煲暖笠笠嘅排骨煲仔飯 ($68)，烹調時間處理得剛剛好，排骨腍滑又入味，米飯粒粒分明，再注入甜豉油，飽肚又暖胃。
可樂 ($10)、王老吉 ($15)
張貼
