반찬앤쿡 Banchan and Cook (太古城中心)

營業中

休息中

🍳明太子慢煮雞肉蛋包飯慢煮雞肉唔會嚡熠熠之餘，中間仲有爽脆嘅口感，有淡淡嘅香草味，配上明太子汁食味道更剛剛好。炒蛋好creamy，切開仲好gluey，由中間切開蛋包，蛋醬就緩緩流出，餸蕃茄味炒飯超yummy~ 🇰🇷傳統紫菜包飯入面有牛肉，醃黃蘿蔔，紅蘿蔔絲，青瓜，雞蛋，爆多材料，飯粒濕潤，口感扎實，如果再多點麻油味就更有韓國風味。🍗韓式炸雞半份醬油蒜頭炸雞無骨炸雞啖啖肉，肉質嫩滑juicy，無雞皮但炸粉外層香脆！韓式醬油鹹鹹甜甜，非常惹味。唔係炸雞專門店來講，都非常出色。另外仲配上炸年糕及薯條，點上韓式醬油汁味道都好匹配！🍰黑芝麻提拉米蘇黑芝麻香濃，夾層嘅提拉米蘇香滑，中間嘅蛋糕都相當鬆軟夠moist，整體唔係好甜，配咖啡一流。☕️焦糖脆脆鮮奶咖啡+ 🍓 士多啤梨鮮奶咖啡兩杯咖啡都係latte底，焦糖脆脆鮮奶咖啡就topping 配上焦糖脆粒，就咁食又得，等佢慢慢溶入咖啡就更香。 另外士多啤梨鮮奶咖啡，係用士多啤梨奶嘅latte，好清新香甜，唔會藥水味！餐廳好有韓國cafe嘅感覺，係自助形式，食物Ready有小remote機叫你攞餐，而且cafe有打卡乾花設計，環境開陽，真係坐得幾舒適。