師父飯堂

營業中

休息中

朋友推介好耐，終於有機會試。午飯時間，初頭好驚多人，排長龍。人流雖然keep住黎，但唔洗點等位。舖頭強調即叫即煮，仲貼出告示叫人趕時間下次先食，相當霸氣。上菜速度我覺得還可以，十分鐘左右有得食，而且真係熱辣辣！炸雞脆漿唔厚，卜卜脆，加左薑米醃味，好食。味道剛好，唔會太鹹。平日食日式炸雞，最怕乾憎憎，但佢地做得好 juicy。沙律大大份，飽足大半日。連埋野飲先 62 蚊，以港島黎講算好抵食。全日劃一收費。店員態度都好 nice，做野快手。如果我在呢頭返工，一星期食足三餐都得。