師父飯堂

營業中

休息中

平均每星期都去一次的食店，性價比高👍合理價錢，食物味道理想，打工仔好去處，有懷舊嘅鐵窗，枱與枱之間有足夠嘅空間，環境仲算舒適，如果等候嘅人唔多，都適宜食完飯喺度傾吓偈

山長水遠去到先知原來嗰度淨係可以比員工食用，如果你唔係喺嗰幢大廈工作嘅員工就唔可以喺嗰度食嘢😅😅但係佢冇事前喺個網站度寫定，去到完全呆咗😅😅希望可以喺返個介紹內容都寫只限員工食用🙏🏻🙏🏻去到嘅時候佢淨係問咗我一句你係咪喺度返工？聽完之後呆咗😅，之後就答佢唔係。然後佢就話呢度淨係可以比員工食用之後趕咗我哋走😅😅😅😅完全唔明，點解唔可以事前喺個網頁或者喺個門口度寫明呢度淨係可以比員工食用？希望可以處理吓呢個問題。

唔係喺東達大廈做嘢嘅人就唔可以入去食飯，本來諗住過去同女朋友食，點知道去到嗰度先知道唔喺嗰度做嘢就唔俾入去食，網上面有冇人寫過，嘥咗一個鐘頭車程先知道冇得食，尷尬

鰂魚涌師傅飯堂係一間在相當受歡迎的餐廳，尤其係中午時段。其地道的菜肴和實惠的價格而出名，所以中午好多附近嘅辦公室客都會去。有時人多都可能要排10-15分鐘隊。主要特色1. 菜單多樣：鰂魚涌師傅飯堂嘅菜單涵蓋了多種港式/西式經典。包括焗飯及焗意粉，適合不同嘅口味需求。2. 實惠價格：餐廳以合理嘅價格提供質素不錯嘅餐點，非常適合上班族同家庭聚餐。3. 舒適環境：餐廳嘅裝潢簡約而舒適，營造出輕鬆嘅用餐氛圍，適合朋友聚會或家庭用餐。4. 快速服務：師傅飯堂嘅上菜同服務速度相對較快，特別適合忙碌的上班族在午餐時間光顧。推介嘅菜式- 香煎雞扒野菜沙律配飯- 鮮茄焗豬扒飯- 香蒜蜆肉意粉總結：鰂魚涌師傅飯堂係一個不容錯過嘅地方，特別是要求快速嘅午餐，呢度都能提供美味的選擇。如果你係鰂魚涌一帶返工，不妨親自去試試！

雖然是員工飯堂也應該是服務態度好一些的不是西口西面這樣很影響客人心情食物態度一般價錢平與不平價錢如何自己各人各有評價！每個員工個心情也很差，可能工作時間太長！我不會再選擇在這間餐廳用膳

第二次光顧，個女收銀態度囂張，不知所謂。你是老闆嗎？服務行業甘樣真是超級差勁。取飲品的時候， 問男職員這些是否我們的飲品， 問左兩次， 他依舊無回應。總結：不會再光顧。

其實呢間餐廳應該已經encore左不下10次，午餐黎講佢真係有好多款唔同野食，意粉都有超過15款選擇，更可以自選配料、醬汁、意粉種類等等黎打造岩你個人口味嘅意粉。而除左意粉，呢到都有飯同沙律等選擇，仲有唔同小食eg.雞翼、薯條等比大家可以叫黎share食。今次嗌嘅呢個係我成日會叫嘅一款，間唔中就會想去食🤣香蒜蜆肉意粉 - $60co值高之選! $60包嘢飲，可以揀奶茶咖啡等，亦可以揀中湯/山楂汁，中湯好足料，又較清甜，所以我平時都會嗌佢。首先份量超多，睇相都見到係佈滿一大個碗。然後味道我覺得係數一數二香港好食嘅香蒜意粉。首先佢好重蒜味，好香口，帶有少少香蒜炒出黎既微辣感。而成個意粉嘅軟熟程度岩岩好，唔會因為加入香蒜炒得耐左而變得乾身，加埋蕃茄仔，成個好開胃。

基本上餐廳所有職員態度都十分惡劣，由入座開始已經多次被職員以趕客態度帶位。收錢職員直情震驚想像力，態度惡劣，唔講仲以為好似爭佢錢咁😮‍💨食物質素普通，忌廉汁意粉個汁係甜嘅，完全唔建議。同樣價錢，喺附近大把選擇！！

其實係太古由細住到大，經常有人提起呢個餐廳。以前雖然唔覺得佢特別好食(就係多D 款式既一間茶餐廳)，但服務正常有時都會去。但最近服務態度極差，比現金話又無錢找，仲完全無幫個客既意思，態度惡劣，買完野食等45分鐘都未有，問完又比惡言相向。以後都唔會再去食

叫咗咖哩牛肉飯，12:22 落車，13:10先到，遲都算，啲人嘅態度很差，不知所謂，問都係答，個個都喺到等，試問一個鐘食午飯，叫人等咁耐合理嗎？最重要係一句唔好意思都冇，亦只是話跟進，問咗3次都係咁

師父飯堂 (鰂魚涌)又稱「打工仔飯堂」 快，靚，正！價錢非常合理同埋貼地📍 鰂魚涌英皇道1065號東達中心13樓1301A室🔆香炸蝦醬雞翼 （$42/5隻）濃濃蝦醬味包住炸左既雞翼🥹 Btw個日唔知係咪C父心情靚 醒多左隻俾我地食😂🔆炙燒明太子意粉（$95）嘩嘩嘩。真係大拿拿成條明太子。認真Dum本！有埋三文魚子，洋蔥，菇菇 加埋明太子既咸香 岩岩好！🔆厚切豬扒野菜沙律配飯($68)意粉太出色搞到豬扒好平平無奇，不過咁嘅價錢勝在夠大塊，同埋豬扒都幾林 不錯不錯旁邊沙律都唔錯，好新鮮 特別係個沙律醬係蜜糖芥茉漿甜甜地好好食🔆追加餐湯(+$8)青紅蘿蔔湯，好淡冇味唔建議*之前叫過佢既紅菜頭蘋果汁🧃 +$3 好飲 下次都會叫返😭😭😭上菜速度快，起碼唔洗限時限刻拿拿聲食完要走人一黎慢慢食 閑談幾句 再返去努力返工🐜🐜

呢一間位於鰂魚涌工業大廈嘅餐廳，餐廳環境好整齊，可以枱與枱之間嘅空間都好好，唔會覺得好逼夾👍🏻😛平時成日行太古呢邊都唔知原來有間「平靚正」嘅餐廳係附近😂佢呢間餐廳好Fusion，我最鍾意佢標榜飲食均衡😂每個set都係沙律多過飯🥗同埋會跟個餐湯✨佢嘅餐湯都超好飲，無味精，好有屋企煲出嚟嘅感覺👍🏻呢厚切豬扒煎得好juicy同好𣺉!! 完全唔覺得好乾😋我男朋友就叫左呢個餐，真係隔離飯香😂我狂食佢啲豬扒🤫做gym外食黎講，呢個餐都夠晒protein!!👍🏻so gooooood~~~2️⃣香煎鹹牛脷👅配野菜沙律🥗 ($70)[🅁🄰🅃🄴 4/5]我見好多人都點呢個香煎鹹牛脷，所以就即管試吓😛啲牛脷整得好厚切，同埋都整得幾𣺉，唔會整得超級鹹，配飯食都幾好味👍🏻箍牙嘅我表示咬到🫡不過食咗兩舊左右就好滯，可能係我細食🤫3️⃣黑松露蟹肉闊蛋麵🍝 ($90)[🅁🄰🅃🄴 5/5]佢未上枱面，就已經聞到陣香味！食落個麵都有好濃郁嘅黑松露味，蟹肉嘅份量就一般啦😂都正常，同埋個蛋麵都口感煙韌👍🏻👍🏻😋4️⃣香蒜辣椒蟹肉闊蛋麵🌶️ ($80)[🅁🄰🅃🄴 3/5]呢個麵我就覺得一般啦，對比起黑松露嗰個就遜色少少🙊純粹覺得冇乜特別😂

第一次食，埋到去cashier 先知落單好多規矩要講檯號先，之後一定要講飲咩先可以落野食。Cashier 姐姐黑口黑面，找錢都係飛扔落張枱度。鰂魚涌太古咁多選擇，點解要比錢入嚟受氣？對面吉之島啲姐姐態度都仲好過依間餐廳。

鰂魚涌師父飯堂師父飯堂位於太古地鐵站鰂魚涌區一座舊式商業大廈樓上，地點方便。餐廳裝修簡潔，是fusion 泰國feel，環境光亮，枱與枱之間仍然有相當距離。餐廳提供很多選擇，門口的黑板已經有10幾廿款選擇。揀咗是日精選，黑松露蟹肉燴飯，心裏面還想食黑松露醬薯條，不過眼闊肚窄，下次再嚟食。燴飯上枱份量很足，很香的黑松露味道，米飯軟糯，夾雜着蟹肉、蘑菇和本菇，每一口都充滿着菇的香味和蟹肉的鮮味 連埋凍飲$88 ，吃飽飽兼有滿足的感覺。見到隔籬枱食吉列魚柳沙律配飯，有頗多的沙律菜，感覺健康。餐廳食物的水準超出預期，兼且價錢經濟，下次會再嚟試其他食物🥘

今次晏晝嚟到太古打工仔嘅人氣飯堂 估唔到12:30嚟到已經大排長龍 等咗半粒鐘到終於入得🥺呢到嘅食物種類都算多 之前食過一次佢哋嘅意粉都唔錯 今次就想試吓佢哋嘅沙律菜飯🥰❣️吉列豬扒野菜沙律配飯 ($65)lunch set包一杯嘢飲或湯 餐湯為中式素湯 南瓜紅蘿蔔湯 清清地亦唔會太油 香甜健康都唔錯~另外吉列豬扒炸得外脆內軟 炸漿薄而且豬扒肉質鬆軟 配合沙律菜仲可以減低油膩感 食完真係好滿足🥺雖然飯嘅份量較少 但勝在豬扒好大塊同沙律菜份量都幾大 我就覺得份量啱啱好🤤朋友仲叫咗香煎西冷野菜沙律配飯 肉質嫩滑同樣出色😋❣️整體性價比都幾高 呢個價錢仲要有咁多沙律菜 對於平時無咩點食菜嘅打工仔係健康之選💛推薦指數：🌟🌟🌟🌟🌟【𝐏𝐫𝐢𝐜𝐞: 4.5/5 𝐅𝐨𝐨𝐝: 4.5/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.5/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ