Poking

同事見我lunch成日唔食飯，想減肥，就介紹我放假黎試下上環嘅POKING，話餐廳主打減肥、高蛋白餐，咁就帶埋要減肥嘅男朋友出發佢有自選bowl揀，係幾好嘅，可以自由配搭，不過選擇恐懼症嘅我，都係揀set方便⭐️C. Creamy Baby三文魚、牛油果、雞蛋絲、豆腐、青瓜、蟹籽、木魚絲、脆炸蒜粒 配 芥末乳酪沙律醬一黎到就係大大碗，滿滿嘅餸，又可以揀唔食飯，就算要飯，都係壽司飯，或者糙米飯，我就想食得再健康d，直接走飯，加5蚊轉蕎麥麵配沙律菜⭐️夏日優惠：冷泡菠蘿紅茶跟餐有優惠加10蚊，酸酸地幾開胃⭐️I. Moo-moo Onsen Bowl牛腱肉、蕃茄洋蔥莎莎、新鮮芒果、温泉蛋、紫洋蔥、芝麻 配 自製醬油繼續係大大碗，滿滿嘅餸，牛腱肉好淋好好食，仲迫男朋友陪我一齊轉蕎麥麵配沙律菜🤭⭐️蜂蜜柚子茶（凍）柚子茶落嘅份量啱啱好，味道啱啱好，唔會太甜，但係又夠味同事冇介紹錯，POKING真係一間健康餐廳，食物嘅配搭高蛋白高營養，仲好靚，適合減肥嘅我食，讚！