Neko 熊穴

營業中

休息中

今次都唔係第一次去，已經係再次幫襯，呢間餐廳啲烏冬確實好味，今次嗌咗一個龍蝦湯烏冬，及抹茶latte。綠茶latte嘅質素好高，係我一向鍾意飲嘅濃味抹茶，有好多coffee shop啲抹茶latte都係稀喵喵，呢間嘅抹茶latte夠濃味及有質感。龍蝦烏冬，係用龍蝦湯汁浸住啲烏冬食，食法幾新鮮，龍蝦湯相當鮮味，啲蝦係啱啱熟，又有少少生，好似食緊魚生一樣，但係又係熟嘅，個蝦頭仲有蝦膏，非常好味。最後嗰碗龍蝦湯汁，佢哋會加湯底，再嚟飲，都幾滿足。整體間餐廳感覺好舒服，唯一就係食物價錢比較貴，所以就算lunch都唔算好多人，係有啲可惜，希望佢哋仍然捱得住啦，因為啲嘢食都幾有誠意，唔係普通嘅shop食品。