令和鍋物酒場

營業中

休息中

又來令和鍋物酒場食野啦，近日佢新推出左酒匠omakase, 由唎酒師推介既清酒配唔同既食物。由前菜到甜品，每款都配唔同地方既清酒。和牛他他其、鮟鱇魚肝，酒盗芝士，漬物二點配 會津宮泉:Re リヴアース清酒口感輕巧，入口酒味濃，但後段好清爽。蜜柑鯛、帆立貝、赤身刺身配 大納川 PEACE 米吟釀以反戰為主題既限定酒，入口少雜味及甘辛，展現甘口旨味既清酒。鰻魚野菜天婦羅、南蠻乳酪炸雞配 翠玉 特別純米清酒入口旨味同酸味非常配合。鹽燒牛舌、明太子免治雞肉捧子、汁煮沖繩五花腩配 江戶開城 雄町 純米吟釀清酒風格以柔和和氣及舒適酸味為主調。紅豆抹茶蕨餅配 天花 亀の尾 純米大吟釀 無濾過原生酒清酒帶有蘋果香氣，可以感受到甜味在口腔內蔓延，口感清澈，十分易入口。