昼月

營業中

休息中

同朋友去咗昼月，$888二人餐，男士加$168或者女士加$98@仲可任飲清酒三小時，超過十幾款清酒仼飲，好抵‼️沙律軟殼蟹沙律。軟殼蟹炸得香脆，配埋清新沙律，酸酸甜甜，開胃得嚟又唔會太膩。接住嚟係刺身，有五款：間八、油甘魚、帆立貝、赤身同甜蝦。每一款刺身都新鮮滑溜，特別係帆立貝，入口即溶啖啖肉，鮮甜得不得了。SUSHI有左口魚邊、鰝鰺、蜜柑鯛、赤貝、金目鯛同松葉蟹肉。壽司飯粒粒分明，款款魚生鮮嫩，滿滿嘅松葉蟹肉軍艦，鮮味十足，最愛赤貝，爽口鮮甜。燒物有燒鰻魚同厚燒牛舌芯燒鰻魚外香內嫩，牛舌芯唔單止厚，仲多汁，咬落去充滿牛味。虎蝦天婦羅炸得金黃香脆，蝦肉鮮甜又彈牙，仲有啲野菜天婦羅。主食 迷你昼月玉子丼免治雞肉加入了雞胸軟骨，入口卜卜脆，再加上蛋黃液，增添滑溜口感。厚燒玉子甜甜地，佐飯唔錯。熱騰騰嘅味噌湯，簡單而滿足。甜品朱古力窩夫，外脆內軟，加上濃郁朱古力雪糕，完美作結。