螢火

嘩！嘩！嘩！《螢火清酒祭優惠》全日指定清酒任飲 （午餐90分鐘，晚餐120分鐘），宜家有得食，免費飲就梗係要嚟食下喇。午市鐵板燒Set最平都係$380，有「星」、「月」兩個set。「星」就食帆立貝&大蝦、「月」就食鵝肝多士&廣島蠔。開始食完前菜沙律，就食呢兩個特色菜，帆立貝用牛油煎香，再放上魚籽調味。廣島蠔煎香之後，再放上烘脆嘅櫻花蝦，蝦味脆口，相對廣島蠔嘅creamy，好特別。之後，食一道汁煮鳕魚都非常特別，一開始就用洋蔥煮緊個湯，魚皮煎脆，魚肉煎香，再係碗將三樣嘢組合，一齊食又幾正。主菜係薄燒牛肉或者厚燒牛肉，薄燒卷著香蔥蒜茸，厚燒配脆蒜片。各有各好食。最後嚟埋味噌湯、漬物同埋最重要嘅櫻花蝦炒飯，上面仲有隻靚煎蛋。甜品可以揀雪糕或者一杯咖啡。本身午市套餐可以用優惠價$199換領日本拖羅一份，但係已經太飽。 仲有叫晚市鐵板套餐兩份都會送一份，份量真心多。店員話多幾個人仲可以包房，𥚃面都有天燈許願玩。