家後2.0

營業中

休息中

今晚去咗深水埗「家後2.0」食晚飯，呢間主打手工餃子，配搭仲好有創意，成間鋪裝修簡約乾淨，坐得幾舒服。餃子款式多到眼花撩亂，今次我哋就試咗幾款人氣同特色口味。我地叫咗個小籠包豬肉煎餃 +拼麻辣白菜豬肉煎餃，再配日式烏冬。小籠包豬肉餃一咬爆汁，餡料鮮甜，煎得香脆；麻辣白菜口味夠特別，有微微辣勁但唔會太刺激，幾開胃。烏冬煙韌彈牙，掛汁能力都唔錯，食落幾滿足。中華沙律就簡單清爽，解一解膩啱啱好。之後再試咗兩款灼餃：芫茜豬肉餃 拼雲耳椰菜豬肉餃。芫茜味夠香濃，唔怕芫茜嘅一定like；雲耳椰菜餃就口感豐富，有啲爽脆，加埋啲醬油辣油一齊食，幾惹味。小食方面推介沙薑雞中翼，味道香得嚟唔搶戲，雞翼嫩滑入味。紅燒豬手都係心水之選，炆得夠腍又入味，食落一啲都唔肥膩。飲品我嗌咗罐裝烏龍茶，朋友飲咗豆漿，都係啱晒配餃子。最後甜品收尾，食咗佢哋出名嘅開心果芝士蛋糕，入口超滑，開心果香味濃郁，甜度啱啱好，仲有其他口味，下次都想試晒。