沛

營業中

休息中

週末同阿仔去深水埗買嘢，順便食埋飯至返屋企。上OpenRice睇咗，咁啱呢間餐廳就係附近，OpenRice上嘅食評亦都幾好，咁就同阿仔一齊去試吓啦。間餐廳真係好細，得嗰十個位，坦白講，真係坐得唔舒服。食物方面，選擇亦都唔算多，不過因為喺家庭餐廳，食物正宗同埋好味至係最重要。餐廳有二人餐，因為唔係好啱口味，所以決定散叫。我哋要咗個飯卷同埋一個韓式湯，仲嗌咗半份炸雞。凡韓國餐廳都一定會送前菜，今晚嘅前菜係泡菜同大豆芽，兩個都幾好味。紫菜飯卷，我哋嗌咗牛肉，一共有八大件。啲飯卷都幾足料，有雞蛋絲、蘿蔔絲等，配埋飯每一口嘅飯餸都好平均，唔錯。泡菜豆腐湯係我想要嘅，仲跟一碗白飯。個湯唔算太辣，豆腐非常之滑，食落都幾開胃。最後嚟嘅係炸雞，原來係冇骨嘅，雖然味道係OK，但係我覺得佢炸得唔夠香脆，失咗少少分。兩個人食找數239，冇加一，同叫二人套餐咁上下價錢。家庭作業，在深水埗區，咁嘅質素，值得推介。