影片
更多
2023-03-09
519 瀏覽
新年同成班朋友敘舊，有個住深水埗嘅朋友就介紹咗間新開嘅火鍋。嗰陣餐廳仲係試業期，但係佢話裝修咁靚，一於入嚟試吓 🤠 紅酒蕃茄牛美鍋 $288港式蕃茄牛尾湯 😃 鍋入面除咗配菜，有好幾舊牛尾，食落好滑一d都唔鞋，同埋feel到無落味精。同班朋友一人飲幾碗都冇咗半煲湯 🫣 呢度仲有好多款特色湯底揀，等下次試。醉牛展拼牛筋 $78牛展夠嫩，牛津爽口，正！麻辣青瓜伴木耳 $68不嬲都鍾意食啲酸味味嘅嘢，但係呢啲呢碟青瓜木耳真係要大贊，食材新鮮爽脆之餘，少少麻香令到成件事好開胃 🤠冰鎮南非鮮鮑魚 $58隻呢個價錢食到入味又爽口嘅鮑魚，唔錯 👍🏻騸牯牛 $498我哋問師傅邊種牛好食，於是就介紹咗呢隻騸牯牛，脂肪唔多但係食落口好淋，肉味都好重。最尾班食肉獸frd encore 左 🤣手打鮮蝦滑 $98蝦滑真係冇得輸，只可以話真材實料，淡淡蝦肉 🤤🤤🤤脆炸響鈴 $68超正，其他嘢都好食但係分分鐘因為個響鈴再嚟多幾次。應該係新鮮即炸，大大條超脆，可以好似平時咁烚兩下食，但係點沙律醬食都係另一番風味 🤭自家製Oreo雪糕 $38，楊枝甘露 $48個Oreo雪糕係自家製，幾好食。其他甜品水準都唔錯，個人鍾意
紅酒蕃茄牛美鍋 $288
港式蕃茄牛尾湯 😃 鍋入面除咗配菜，有好幾舊牛尾，食落好滑一d都唔鞋，同埋feel到無落味精。同班朋友一人飲幾碗都冇咗半煲湯 🫣 呢度仲有好多款特色湯底揀，等下次試。
醉牛展拼牛筋 $78
牛展夠嫩，牛津爽口，正！
麻辣青瓜伴木耳 $68
不嬲都鍾意食啲酸味味嘅嘢，但係呢啲呢碟青瓜木耳真係要大贊，食材新鮮爽脆之餘，少少麻香令到成件事好開胃 🤠
冰鎮南非鮮鮑魚 $58隻
呢個價錢食到入味又爽口嘅鮑魚，唔錯 👍🏻
騸牯牛 $498
我哋問師傅邊種牛好食，於是就介紹咗呢隻騸牯牛，脂肪唔多但係食落口好淋，肉味都好重。最尾班食肉獸frd encore 左 🤣
手打鮮蝦滑 $98
蝦滑真係冇得輸，只可以話真材實料，淡淡蝦肉 🤤🤤🤤
脆炸響鈴 $68
超正，其他嘢都好食但係分分鐘因為個響鈴再嚟多幾次。應該係新鮮即炸，大大條超脆，可以好似平時咁烚兩下食，但係點沙律醬食都係另一番風味 🤭
自家製Oreo雪糕 $38，楊枝甘露 $48
個Oreo雪糕係自家製，幾好食。其他甜品水準都唔錯，個人鍾意佢唔係幾甜 🫶🏻
仲叫咗其他打邊爐料，尤其係有款醉雞餃子特別推介（出邊好少見，而且好濃花雕酒香，好好味）🫡 飲品方面叫咗益力多西瓜沙冰同埋菠蘿沙冰，好飲又解膩 🍉🍍
餐廳個名好有詩意，「邊敘邊醉」，下次再約埋成班friend會再嚟飲飽食醉 🍲💙
張貼
