影片
更多
2021-09-27
1205 瀏覽
建議： 記得要對單😎 (錢銀最緊要清楚💰)終於去深水步食利星，海鮮小炒都好多選擇，而且環境都唔會太差，至少地下無油淋淋，杯/餐具都乾乾淨淨😌 Fd子係等位個時已經話：睇見餐牌樣樣想食，所以一坐底已經落得單🤣 店員阿姐都好快手，等左15分鐘就已經上菜。今次試左 ：▫️鐵板火焰聖旨王 (時價 HK$88@)全餐飯最期待而又最正既菜式🤤 蟶子好大隻啖啖肉，豉椒做底汁👍 整體都好鮮甜，而且酒味唔重，燒完後留番既酒香好香，食落甜甜地😋 上枱前店員會放上膠隔板，再問定相機Ready 未先會淋火👍 見到大家都嘩！🤣隔離枱本身准備埋單走，點知即刻坐底加單▪️孖寶套餐 (HK$358)套餐可以揀飛天芥蘭煲/雜錦大盤花菜 X 錦繡紅袍魚/三蔥炒龍蝦。最後揀左大盤花菜同埋紅袍魚😋 花菜姐係臘腸、蝦米炒椰菜花，上枱即食記得要小心睇熱。紅袍魚既底汁係蕃茄，酸酸甜甜送飯一流🤣 忍唔到口Encore左一碗靚仔🍚▫️鮮制砵仔煱魚腸 (HK$88)蛋焗到好脆，食落味道幾特別。問完店員先知，依款餸係用油炸鬼X魚腸X蛋整出黎，而煱既意思姐係用文火慢燉。面頭個層蛋食落有啲煙韌感，不過記得真係要襯熱食，因為凍左整體個口感有啲奇怪🤣
終於去深水步食利星，海鮮小炒都好多選擇，而且環境都唔會太差，至少地下無油淋淋，杯/餐具都乾乾淨淨😌 Fd子係等位個時已經話：睇見餐牌樣樣想食，所以一坐底已經落得單🤣 店員阿姐都好快手，等左15分鐘就已經上菜。
今次試左 ：
▫️鐵板火焰聖旨王 (時價 HK$88@)
全餐飯最期待而又最正既菜式🤤 蟶子好大隻啖啖肉，豉椒做底汁👍 整體都好鮮甜，而且酒味唔重，燒完後留番既酒香好香，食落甜甜地😋
上枱前店員會放上膠隔板，再問定相機Ready 未先會淋火👍 見到大家都嘩！🤣隔離枱本身准備埋單走，點知即刻坐底加單
▪️孖寶套餐 (HK$358)
套餐可以揀飛天芥蘭煲/雜錦大盤花菜 X 錦繡紅袍魚/三蔥炒龍蝦。最後揀左大盤花菜同埋紅袍魚😋 花菜姐係臘腸、蝦米炒椰菜花，上枱即食記得要小心睇熱。
紅袍魚既底汁係蕃茄，酸酸甜甜送飯一流🤣 忍唔到口Encore左一碗靚仔🍚
▫️鮮制砵仔煱魚腸 (HK$88)
蛋焗到好脆，食落味道幾特別。問完店員先知，依款餸係用油炸鬼X魚腸X蛋整出黎，而煱既意思姐係用文火慢燉。
面頭個層蛋食落有啲煙韌感，不過記得真係要襯熱食，因為凍左整體個口感有啲奇怪🤣 如果鍾意偏淋口感既餸，依款菜式應該會岩口味。
▪️辣酒煮東風螺 (HK$92)
同平時食開既唔同，咖哩底既螺加白蘿蔔。如果加埋豬皮，直頭係咖哩魚蛋Feel🙈 同店員阿姐傾開計，佢話依款螺一直都係甘。
如果想食汁炒，可以試奇味，不過就唔辣。而另外有時如果番左新鮮螺，就會有鹽焗/白灼，可以訂位既時候問下。
題外話💰 埋單後睇單發現變左辣酒花螺(HK$192) 🤔收多左HK$100，唔知係咪轉左唔同既螺
張貼
