金豪酒家

營業中

休息中

團年飯梗係要食中菜，朋友介紹呢間位於深水埗既酒家，一入去見到個大魚缸，好多生蜢海鮮，枱既數目都多，位置寬敞，坐得舒服。深海龍躉兩味翡翠炒龍躉球：龍躉肉好厚身，啖啖肉，配西蘭花、木耳、紅椒，豐富又健康。古法蒸龍躉頭腩：龍躉新鮮肥美，清蒸加薑蔥果皮木耳絲，增加魚既香氣。金豪和味雞(半隻)：招牌新鮮雞，好有雞味，蒸到僅僅熟，保持雞肉嫩滑。艷影脆蝦球：炸蝦球鬆脆不油膩，蝦肉爽口彈牙，沾滿沙律醬汁，可口美味。花蛤皇浸菜苗：花蛤肉質肥大又甜美，用上湯浸菜苗，爽脆又帶有水份既口感，美味無窮。豉油皇鵝腸：鵝腸美味爽口，加左豉油、芽菜仔爆炒後，再灑上蔥花，非常惹味。總結，食物好味夠鑊氣，出菜快，員工殷勤有禮，下次可以再encore。