Lonely Paisley

營業中

休息中

今日去深水埗發掘高CP餐廳，搵咗呢間異國風情嘅土耳其主題餐廳 Lonely Paisley，望梅止渴下去旅行嘅人生。我哋叫咗土耳其早餐，附送杯土耳其茶。土耳其早餐主要係芝麻包、沙律、莎樂美腸同蛋，配三款芝士同四款醬。三款芝士有兩款顏色偏白，味道比較淡，絲狀芝士口感仲好特別，可以由佢哋開始試，深色嘅芝士就煎過，食落陣陣鹹香味。四款醬料分別係無花果醬、杏脯醬、Honey and cheese、番茄泥 (Acuka)，我最鍾意就係清甜嘅無花果清甜同甜中帶鹹嘅 Honey and cheese，食到停唔到口。土耳其茶係薄荷茶底，附上一支冰糖棒，俾食客自行攪拌調較甜度，冰糖味道清清地，從薄荷茶好夾。天氣熱朋友叫咗杯Cold brew，清涼得嚟少少回甘。最後叫咗土耳其烤雞肉卷，比一般kebab多菜清新，相對健康。