料理X空間

營業中

休息中

呢間餐廳有啲東南亞fusion，近近地試一試都幾好。餐廳環境輕鬆自在，可以揀室內或者室外用餐。我叫咗個雞胸菠蘿芝士漢堡，主菜用嫩滑嘅雞胸肉，經過精心醃製，配上融化嘅芝士同新鮮菠蘿薄片，果香同酸甜層次感十足，真係好好味！仲有個古法焗魚，魚肉新鮮，肉質細膩。焗製時淋上特製嘅香草同果醬，讓魚肉吸收到果香料嘅精華。最特別嘅係佢有一款酸酸甜甜、辣辣嘅醬料，類似薑、香茅同某種生果製成，呢個醬真係好上癮，一啖接一啖食唔停。飲品方面，檸檬乾荔枝沙冰清新可口，檸檬乾嘅酸味同荔枝嘅甜味完美融合，帶來清涼感。而雜梅沙冰就更加開胃，超適合最近潮濕嘅天氣，飲完之後人都爽一爽！