合益泰小食

營業中

休息中

深水埗明物之一就係呢間小食店，可以坐低食，又可以企喺街邊食，當然可以外賣啦，三種我都試過，最奇怪嘅就係明明都係同一間舖頭出品嘅腸粉，但係唔知點解都係企喺街邊食最好食。我揀咗15蚊六條腸粉，冇加燒賣冇加魚蛋冇加豬皮，因為聽講呢一度主要都係食腸粉，其他嗰啲配角都係麻麻地。腸粉好食，個混醬一啲都唔混帳，我鍾意多麻醬多芝麻，因為我覺得咁樣食落去會特別香，同埋如果甜醬太多嘅話會搶曬啲味，所以我鍾意high少少甜醬然後狂撈麻醬。