六本木日本料理

營業中

休息中

呢日去深水埗黃金買相機SD卡+行街，順手響果邊解決埋晚餐，我地試左呢間幾高質既日式居酒屋，生蠔大大隻，刺身又鮮甜，老闆仲要好好咁請飲Sake，Sake杯係好可愛嘅馬騮&羊🥰❀北海道赤蝦BB❀赤蝦炸完之後甘香酥脆，直接連殼食就得，完全唔油膩，想清爽少少可以加少少檸檬汁。❀生蠔及刺身❀兵庫縣室津生蠔蠔殻比較薄，但蠔肉肥美飽滿，有少少海水味，就咁食唔洗加醬汁都好夠鮮味；刺身分別係煙燻鰹魚、吞拿魚赤身及油甘魚，當中煙燻鰹魚中間仲係半生狀態，食落入口即化咁又有少少煙燻味。❀鰻魚飯❀用上原條鰻魚好吸睛，鰻魚肥美好有魚油香味，配上甜甜地嘅燒汁，簡簡單單就好好食。❀照燒安格斯牛扒❀一上枱侍應哥哥會點埋火，記住要拎定手機/相機打卡，安格斯牛扒係五成熟，但完全唔會覺得好血淋淋，肉質好軟嫩，推薦必試😋❀明太子玉子燒❀外表雖然冇咩特別，但一切開玉子燒就見到滿滿嘅明太子，食落好鹹香又甜甜地咁。❀三得利生啤❀分別試左黑啤+白啤，黑啤麥味較重，有少少啤酒花香；白啤就比較清爽，好易入口。