城寨煲皇

營業中

休息中

happy Friday同朋友嚟咗呢間尖沙咀好有九龍城寨特色嘅懷舊火鍋店，真係好少見到火鍋店都咁有心思嘅設計，淨係個環境都值得刻意過嚟一試✨✨首先叫咗個💓城寨招牌龍鳳雞煲翅，果然係招牌，超級足料，淨係食啲湯渣都食到飽！仲要個湯真係好友老火湯嘅味道，超級濃郁！然後呢個💓涼拌麻辣花甲，小食必叫嘅推介，個涼拌嘅麻辣汁味道非常之香濃，辣得嚟仲有啲麻麻地嘅感覺，同埋花甲都非常之新鮮又完全冇沙！仲有鍾意食脆口嘢嘅我就叫埋💓百花炸油條同💓即炸響鈴卷。百花炸油條就咁食已經夠晒香脆！而響鈴卷擺落湯底到索一索啲湯汁精華就更加惹味！